AXCP sədri Əli Kərimli Əhsən Nuruzadə, Rövşən Məmmədli yoxa çıxmasından yazdı

Bəs deyirdilər ki, adam oğurluğu cinayətilə yalnız Hacı Məmmmədovun bandası məşğul olub, yalnız Akif Çovdarovun şəxsi həbsxanası olub. Adam oğurluğu ilə bəs indi hansı paqonlu cinayətkarın bandası məşğul olur? Neçə gündür mətbuat, sosial şəbəkə fəalları Tale Bağırzadənin tərəfadarlarından Ahsan Nuruzadenin oğurlandığını yazır, heç bir dövlət orqanı məlumat vermir ki, bu adam haradadır.
Əhsən bəylə birlikdə “yoxa çıxmış” jurnalist Rövşən Məmmədli artıq “tapılıb”. Tale Bağırzadə haqda dəstək yazısı yazmış bu gənc jurnalist 30 sutka müddətinə həbs edilib. Ölkədə adam oğurluğu üzərində də monopoliya olduğu üçün hamı arxayındır ki, Əhsən Nuruzadəni oğurlayanlar da dövlət orqanı təmsilçiləridir. Heç dövlətin adını da belə cinayətlərə bulamaq olarmı?
Günahsız insanlara işgəncə verməkdən, dövlət hakimiyyətini gözdən salmaqdan əl çəkin!