Siyasət

"Rusiya İrana silah satmamalıdır" -AÇIQLAMA

11-05-2016, 12:27

ABŞ Rusiyaya məxsus "S-300” zenit-raket komplekslərinin İrana satılmasının əleyhinə olduğunu bildirib. ANS PRESS-in "TASS”a istinadən verdiyi xəbərə görə, ABŞ Dövlət Departamentinin rəsmi nümayəndəsi Elizabet Trüdo bəyanatla çıxış edib.

Trüdonun sözlərinə görə, ABŞ bunu Tehranın nüvə proqramına dair sazişinin və BMT TŞ-nin qətnamələrinin pozulması kimi qiymətləndirmir. "Biz Rusiyanın "S-300” zenit-raket komplekslərinin İrana satılmasına dair xəbərlərdən məlumatlıyıq. Biz daha əvvəl "S-300” komplekslərinin İrana satılmasına qarşı olduğumuzu bildirmişik. Dövlət katibi Rusiyanın XİN rəhbəri Sergey Lavrovla görüşlərində bu məsələni dəfələrlə qaldırıb. ”, - deyə Elizabet Trüdo fikrini yekunlaşdırıb.

ABŞ raket komplekslərinin tədarükünə qarşı olsa da, bunu Tehranın nüvə proqramına dair sazişinin və BMT Təhlükəsizlik Şurasının 2231 saylı qətnaməsinin pozulması kimi saymayıb.

"S-300" komplekslərinin istehsalına 1978-ci ildən başlanıb. Bu raketlər modifikasiyasından asılı olaraq hədəfləri 47 km-dən 150 kilometrə qədər məsafədə vurma imkanına malikdir. Kompleksin hava obyektlərinin aşkar edilməsinin uzaqlığı 120-dən 300 kilometrədəkdir. Hazırda "S-300" kompleksləri Rusiyadan başqa 18 ölkənin, o cümlədən postsovet dövlətlərdən Ermənistan, Qazaxıstan, Ukrayna, Belarus və Azərbaycan Hava Hücumundan Müdafiə Qüvvələrinin silahlanmasında mövcuddur.

« May 2024 »
B.e.	Ç.a.	Ç	C.a.	C	Ş	B
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31

Qaynar xəbərlər

"Rusiya İrana silah satmamalıdır" -AÇIQLAMA