QHT TV “Mənim Uğur yolum” layihəsinin rəsmi media tərəfdaşı seçildi

Bu gün “Gənclərin Sosial Tərəfdaşlığı Mərkəzi” İctimai Birliyi ilə QHT TV arasında media tərəfdaşlığı ilə bağlı Anlaşma memorandumu imzalanıb.

“Gənclərin Sosial Tərəfdaşlığı Mərkəzi” İctimai Birliyinin Azərbaycan Respublikasının Prezident yanında Gənclər Fondunun maliyyə dəstəyi ilə həyata keçirdiyi “Mənim Uğur Yolum” layihəsinin rəsmi media tərəfdaşı QHT TV seçilib.



Hər iki qurum bu layihənin uğurla həyata keçirilməsi və ictimaiyyətə yüksək səviyyədə çatdırması məqsədi ilə onlara məxsus resurslardan birgə istifadə etməklə qüvvələri birləşdirməyə qərar veriblər.

Anlaşma memorandumunu “Gənclərin Sosial Tərəfdaşlığı Mərkəzi” İctimai Birliyinin sədri Vüsal Əhmədov və QHT TV-nin rəhbəri Cəsarət Hüseynzadə imzalayıb.

“Gənclərin Sosial Tərəfdaşlığı Mərkəzi” İctimai Birliyinin sədri Vüsal Əhmədov bu əməkdaşlığın hər iki QHT arasında uğurlu əməkdaşlığın davamı olduğunu bildirib. Bu əməkdaşlığın yeni yaradılan QHT TV ilə yeni müstəvidə və uğurlu olacağına inandığını bildirib. Vüsal Əhmədov “Mənim Uğur Yolum” layihəsinin geniş auditoriyalarda təqdimatının olacağını və bu prosesdə QHT TV-nin də iştirakının da vətəndaş cəmiyyətinin tanıdılması müsbət təsir edəcəyini bildirib.

QHT TV-nin rəhbəri Cəsarət Hüseynzadə də Gənclərin Sosial Tərəfdaşlığı Mərkəzi ilə 3 ilədn artıqdır QHT.az saytı olaraq uğurlu əməkdaşlıq ediktlərini bildirib. Bu təşkilatın regionda yerləşməsinə baxmayaraq, respublika səviyyəsində bir çox uğurlu layihələr həyata keçirdiyini bildirib.

“Mənim Uğur Yolum” layihəsi ilə tanış olduq, gənclərə yönələn çox böyük layihədir və bu layihədə rəsmi media tərəfdaşı olmaq bizim üçün də qürürvericidir - deyə QHT TV-nin rəhbəri bildirib.