BSU-da “Sağlam ordu, yaradıcı gənclər naminə” layihəsinin təqdimatı olub

Azərbaycan Respublikasının Prezidenti yanında Gənclər Fondunun dəstəyi,Azərbaycan Republikasının Müdafiə Nazirliyinin rəsmi tərəfdaşlığı,Bakı Slavyan Universitetinin (BSU) vəUşaq və Yeniyetmələrin Dəstək İctimai Birliyi birgə təşkilatçılığı ilə "Sağlam ordu,yaradıcı gənclər naminə” layihəsinin BSU-da təqdimat mərasimi olub.

• Xeberman.com saytının verdiyi məlumata görə, mərasimdə çıxış edən layihə rəhbəri BSU-nun Beynəlxalq münasibətlər fakültəsinin II kurs tələbəsi Simran Məlikov "Sağlam ordu,yaradıcı gənclər naminə” layihəsinin əhəmiyyəti barədə məlumat verib. Bildirilib ki, layihənin məqsədi gənclərin cəmiyyətdə sağlam inkişafını formalaşdırmaq, onları zərərli vərdişlərdən uzaqlaşdırmaqdan ibarətdir.Binəqədi rayonu məktəblilərinin "Siqaretə yox” başlığı altında çəkdiyi rəsmlərin universitet və hərbi hissələrdə sərgilənməsinin nəzərdə tutulduğunu deyən Simran Məlikov siqaret kimi vərdişlərin ümumilikdə cəmiyyətdə törətdiyi sosial bəlalardan danışıb və tələbələri bu kimi vərdişlərə qarşı mübarizədə fəal olmağa səsləyib. Onun sözlərinə görə, layihənin təqdimatı Bakının digər ali təhsil ocaqlarında və hərbi hissələrdə də keçiriləcək.

• Tədbirdə çıxış edən Uşaq və Yeniyetmələrə Dəstək İctimai birliyinin sədri Fərhad Abdulov və psixoloq Könül Cəfərova gənclərə fiziki və mənəvi cəhətdən sağlam insan,vətənpərvər vətəndaş kimi yetişmək üçün tövsiyələrini veriblər, tələbələrin suallarını cavablandırıblar.

• Tədbirin sonunda vətənpərvərliklə bağlı "Vətəni sevmək imandandır”adlı qısa metrajlı film nümayiş olunub.