Keçmiş axundun ölkədən çıxışına, oğlunun ölkəyə girişinə STOP qoyulub

İslamazeri.az-a verilən məlumata görə, Bülbülədə keçmiş dini icmanın sədri və "İmam Xomeyni" məscidinin keçmiş axundu Hacı Məsim Novruzovun Azərbaycandan çıxışına izin verilməyib.

Verilən məlumata görə, sərhədçilər bazar ertəsi günorta saatlarında 65 yaşlı ağsaqqal Hacı Məsim Novruzovu Astara Görmük məntəqəsindən İran tərəfə keçməsinə imkan verməyiblər.

"Uzun müddətdirki, Hacı Məsim Novruzov İrana Məşhəd ziyarətinə, həmçinin Qumda təhsil alan oğlunun yanına getmək istəyirdi. Bu gün günorta saatlarında Astara Gömrüyündə ona bildiriblərki, sənin ölkədən çıxışına qadağa var. Oda narahat halda Bakıya - evinə geri dönüb", -deyə İslamazeri.az-a bu haqda onun yaxınları bildiriblər. Hacı Məsim Novruzov məsələ ilə bağlı bir müvafiq orqanlara müraciət edib, qadağa məsələsinin hansısa güc strukturu tərəfindən qoyulduğunu bildiriblər və ətraflı məlumat verməyiblər.

Qeyd edək ki, Hacı Məsim Novruzovun oğlu, ilahiyyatçı və hazırda Qum şəhərində ilahiyyat təhsili alan Ruhullah Novruzzadənin isə Azərbaycana girişinə izin verilmir. Belə ki, ötən ilin yay aylarında Azərbaycana yay tətilinə gələn, Ruhullah Novruzzadə Azərbaycan sərhədçiləri tərəfindən geri qaytarılıb; ona bildiriblərki, sənin ölkəyə girişinə qadağa var. Ruhullah Novruzzadənin həyat yoldaşı məsələ ilə bağlı müvafiq orqanlara müraciət edib və ona qadağa məsələsini təsdiq ediblər.

Xatırladaq ki, Hacı Məsim Novruzov hazırda həbsdə olan ilahiyyatçı Abgül Süleymanovun qaynatasıdır.


Keçmiş axundun ölkədən çıxışına, oğlunun ölkəyə girişinə STOP qoyulub