Kerri: ABŞ Rusiya ilə Suriyaya dair danışıqları dayandırmaq həddindədir

ABŞ Rusiya ilə Suriyadakı münaqişənin nizamlanmasına dair danışıqları dayandırmaq həddindədir.

Xeberman.com-un APA-ya istinadən verdiyi xəbərə görə, bunu ABŞ-ın dövlət katibi Con Kerri deyib.  

Məlumata görə, Kerri bu sözləri "Washington Ideas” forumunda "ABŞ  sentyabrın 9-da əldə olunan razılaşmaların icra olunması üçün Rusiyaya daha bir şans vermək niyyətindədirmi?” sualına cavabında bildirib.   

"Xeyr, düşünürəm ki, biz  diskussiyaları  dayandırmaq həddindəyik. Bu Suriyadakı bombardmanlar fonunda  daha məqsədəuyğundur. Bu, bizim digər alternativlər axtarmalı olduğumuz məqamlardan biridir”, - deyə Kerri qeyd edib.