İdman
“Qalasataray”a cəza – fanatlar stadiona buraxılmayacaq
18-08-2016, 21:14
Türkiyə Futbol Federasiyasının (TFF) İntizam Komitəsi "Qalatasaray”ı cəzalandırıb.
Qol.az-ın Türkiyə mətbuatına istinadən yaydığı xəbərə görə, buna "Qalatasaray”lı azarkeşlərin "Beşiktaş”la ölkə superkubokunun oyunu zamanı davranışları səbəb olub. Həmin matçda "sarı-qırmızılı” fanatlar meydana bir neçə dəfə yandırıcı maddələr atıblar.
TFF-nin qərarına əsasən, "Qalatasaray” azarkeşlərinin bu hərəkəti səbəbindən bir ev oyunu azarkeşlərin iştirakı olmadan keçirəcək. Beləliklə, İstanbul klubunun bazar ertəsi "Karabükspor”la superliqada keçirəcəyi ev oyununa azarkeşlər buraxılmayacaqlar.