Rusiya və İran diplomatları Dağlıq Qarabağ münaqişəsini müzakirə ediblər

Rusiya Federasiyası xarici işlər nazirinin müavini Qriqori Karasin Moskvada iranlı həmkarı İbrahim Rəhimpurla Dağlıq Qarabağ münaqişəsinin tənzimlənməsi ilə bağlı danışıqlar aparıb.

 

APA-nın RİA "Novosti” agentliyinə istinadən verdiyi xəbərə görə, bu barədə Rusiya XİN-in açıqlamasında deyilir.

 

"Regional məsələlər ətrafında fikir mübadiləsi aparılıb. Xüsusən, Mərkəzi Asiya, Cənubi Qafqaz, Dağlıq Qarabağ, habelə, Minsk razılaşmalarının həyata keçirilməsi ilə bağlı məsələlərə diqqət ayrılıb”, - deyə açıqlamada bildirilir.