Dünya
Jurnalist kralı həddindən artıq təriflədiyi üçün cəzalandırıldı
3-07-2017, 12:52
Səudiyyə Ərəbistanında qəzetlərdən birinin köşə yazarı müvəqqəti olaraq işdən kənarlaşdırılıb. Səbəb isə jurnalistin ölkənin kralı Salman Saudu tərifləyərkən yalnız Allahın adının qarşısında işlənə biləcək epitetlərdən istifadə etməsi olub.
Oxu.Az-ın BBC-yə istinadən xəbərinə görə, “Əl-Cəzirə”nin jurnalisti monarxın göstərişi ilə cəzalandırılıb.
Məlumata əsasən, jurnalist krala qarşı “əl-xalim” (“mülayim”) və “şədid-ikab” (“cəzada sərt”) epitetlərindən istifadə edib.
“Əl-xalim” epiteti Allahın 99 adından biri hesab olunur, baxmayaraq ki, bu siyahıya daxil edilməyib. Həm bu, həm də digər epitet islam etiketinə görə, insana qarşı tətbiq edilə bilməz.