Əsas Səhifə / Layihə

Elçin Səfərov: “Könüllülük bir toxumdur..”

29-12-2015, 14:54

BSU-nun Tələbə Xeyriyyə Fondunun (TXF) təşkilatçılığı ilə keçirilən görüşdə Elçin Səfərov Azərbaycanda 2016-cı ildə keçiriləcək "Formula 1” yarışı və 2017-ci ildə keçiriləcək İslam Həmrəyliyi Oyunları barədə gəncləri məlumatlandırıb, könüllülük və könüllülərin fəaliyyəti, gələcək oyunlarda nəzərdə tutulmuş mühim işlərdən danışıb.

Korperativ direktor "Bakı-2015” Avropa Oyunlarına hazırlıq ərəfəsində yüksək səviyyədə inşa edilən infrastrukturlar barədə də fikir bildirib. Onun sözlərinə görə , Olimpiya Oyunları zamanı inşa edilmiş idman obyektləri bizə gələcəkdə daha böyük tədbirlər keçirtməyə imkan yaradır. Elçin Səfərov bildirib ki, Atletlər kəndi Olimpiya Oyunlarındakı kəndlərdən daha yaxşı standartları və yeniliklərinə görə fərqlənir. Elçin Səfərov deyib: "I Avropa Oyunlarının məşəlinin rayonlarda alovlandırılması bütün dünyaya Azərbaycanın paytaxtı ilə bərabər, bölgələrinin də inkişaf etdiyini göstərdi. Məşəlin Qarabağ bölgəsini gəzməsi də böyük siyasət və uğurdur”. "Formula 1” yarışı və İslam Oyunlarının da yüksək səviyyədə keçəcəyindən əmin olduğunu deyən E. Səfərov bildirib ki, Azərbaycan buna artıq hazırdır. Elçin Səfərov "Bakı-2015” Avropa Oyunları zamanı könüllü olaraq fəaliyyət göstərən BSU tələbələrinin və Tələbə Xeyriyyə Fonduna üzv olan gənclərin çoxsaylı suallarını cavablandırıb. "Könüllülük bir toxumdur və biz bunu Azərbaycanda cücərtdik" deyən Elçin Səfərov Azərbaycanı irəlidə gözləyən böyük layihələrdə daim könüllü gənclərə dəstək olacağını vurğulayıb. Aytəkin Qardaşova BSU-nun Mətbuat xidməti

« May 2024 »
B.e.	Ç.a.	Ç	C.a.	C	Ş	B
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31

Qaynar xəbərlər

Elçin Səfərov: “Könüllülük bir toxumdur..”