Texnologiya
İspaniyada həbs edilmiş rus haker kimdir?
11-04-2017, 21:06
Xəbər verildiyi kimi Rusiya hakeri olduğu iddia edilən bir nəfər Amerika hakimiyyət orqanlarının orderi ilə İspaniyada həbs edilib.
Maraqlıdır ki, Rusiyanın RT media şəbəkəsi bu həbsin ABŞ prezident seçkisi ilə bağlı olduğunu xəbər verməklə kibertəhlükəsizlik dairələrində təlatüm yaradıb.
“The İndependent”İn yazdığına görə İspaniya təhlükəsizlik xidmətinin sözçüsü deyib ki, Pyotr Levaşov adlı bu şəxs ötən həftənin sonunda ABŞ kompüter cinayətləri orderinin əsasında həbs edilib. Lakin Levaşovun arvadı Rusiyanın RT telekanalına deyib ki, ərinin həbsi 2016-cı ildə ABŞ-da keçirilmiş prezident seçkisi ilə bağlıdır.
Mariya Levaşova RT telekanalına bildirib ki, silahlı polis gecəyarısı onların Barselonadakı mənzilinə reyd edərək onu və rəfiqəsini saatlarla otaqlardan birində saxlayıb. Həmin müddətdə xəfiyyələr Levaşovu dindiriblər. Bundan sonra polislər Pyotr Levaşovu aparıblar.
Qadın xəbər erib ki, polis məntəqəsindən zəng edən əri ona "Trampın qələbəsini təmin etmiş virus proqramını yaratmaqda" ittiham olunduğunu deyib. Levaşova bundan artıq heç bir təfərrüat verməyib.
Bu arada KrebsOnSecurity kibertəhlükəsizlik saytı yazıb ki, Levaşov bir neçə kriminal əməliyyatları üçün virus proqramları və saxta antivirus proqramı yaradıb və onun haker ləqəbi Severadır.
Sayt daha sonra yazıb: "Severanın "Waledac spam botnet" virusunu yaratmış kibercinayətkar olduğuna dair dolayısı ilə dəlillər mövcuddur. Bu proqram bir neçə il ərzində 70-90 min kompüteri yoluxduraraq onların bir gündə 1, 5 milyard spam email göndərməsinə səbəb olub".
"The İndependent" yazır ki, ziyanlı kompüter proqramları geniş paylaşıldığından və təkrar-təkrar yazıldığından, bəzən virusu ilk dəfə hazırlamış şəxs də sonralar ondan necə istifadə edildiyini bilməyə bilər.
Xatırladaq ki, Barak Obamanın administrasiyası Rusiyanı ABŞ seçkisinə müdaxilə edərək Donald Trampın qələbəsinə kömək etməkdə ittiham edib. Hazırda ABŞ Konqresinin xüsusi komitələri də Rusiya və Tramp arasında mümkün əlaqələri araşdırır. (BBC)
Bəşər əsədin Mülkiyyətinə həbs qoyuldu
MTN-in həbs edilən qadın generalı kimdir?
Nazir həbs edildi - Rüşvət qalmaqalı
Başqasının arvadına zəng edən vahabi yaxalandı – Nərimanov parkında polis əməliyyatı
Hüquq müdafiəçisinin qardaşı polisdə işgəncəyə məruz qalıb
Fətullah Güləndən Hillari Klintona milyon dollarlıq dəstək
Mehman Hüseynov həbs edilib
Saakaşvili: «Azərbaycan öz əhalisinin yarısını qazsız qoyub, bizi qızdırdı»
Bakıda ilginc olay: Arvadı ilə saunaya gedən kişinin başına oyun açdılar
Gülənin bacısı oğlunu həbs edilib