Ölkə
Dövlət qurumları arasında açıq savaş: FHN-dən “Azəravtoyol”a mesaj - FOTO
30-03-2016, 23:31
Paytaxt Bakıya yağan güclü yağış "Azəravtoyol”(keçmiş "Azəryolservis” ASC –red) və Fövqaladə Hallar Nazirliyini üz-üzə qoyub. "Lider” TV-nin hazırladığı "Yağış yollarda ciddi problemlər yaradıb” adlı reportajında səslənən fikirlərə FHN-dən sərt cavab verilib. "Lider” telekanalının "Səda” xəbərlər proqramı Bakı yolları haqqında reportaj hazırlayıb. Reportajın video-görüntüsü telekanalın əməkdaşı (Teymur Mərdanoğlu) tərəfindən "Facebook”da paylaşılıb və üzərində "Şəhərin ortasında bulaq qaynayır” səpkili ironik şərh verilib. Cebhe.info xəbər verir ki, FHN-nin Muğan Regional Mərkəzinin rəis müavini Tural Müseyibov jurnalistin bu şərhinə şərhlə cavab verib. "Bəs niyə demirsən ki, yol çəkib təhvil verən və yararlılığına qol çəkən mühəndis hanı? Yol və körpü tikiləndən sonra təhvil-təslim komissiyası niyə bu rpoblemləri nəzərə almayıb və göz yumub? Bunu da demək lazım idi. Körpü tikiləndə, yol çəkiləndə su ötürücülər olmalıdır. Mövcud kanalizasiya xətlərinin suötürmə qabiliyyəti nəzərə alınmalıdır. Bundan sonra təhvil verilə bilərdi. Amma az qala bütün körpülərin ətrafı hər dəfə yağış yağanda dənizə çevrilir. Bunun günahkarı kimdirsə, cavab verməlidir. Araşdırıb göstərmək lazımdır”, - deyə T.Müseyibov qeyd edib. Maraqlıdır ki, sosial şəbəkədə müzakirəyə çıxarılan məsələ "Azəryolservis” – FHN qarşıdurması kimi yox, Nəqliyyat Nazirliyi – FHN şəklində yorumlanır. Bəzi sosial şəbəkə istifadəçilərinin fikrincə, Nəqliyyat Nazirliyindən ayrılmasına baxmayaraq, "Azəryolservis”in hələ də nazir Ziya Məmmədovun nəzarətində fəaliyyət göstərir. Məsələnin maraqlı tərəfi bir dövlət qurumunun regional mərkəzində rəhbər vəzifə tutan şəxsinin digər dövlət qurumuna qarşı sosial şəbəkədə kəskin etirazıdır. Bu isə bəzi dövlət qurumlarının münasibətlərindəki gərginliyin artıq açıq müstəvidə təzahürü kimi qiymətləndirilir.
Daha Bir körpü istifadəyə verildi - FOTO - VİDEO
Lənkəranda yağan yağışın fəsadları FOTO-VİDEO
4 avtomobil körpüsü inşa edilir - FOTO - VİDEO
“Azəravtoyol” Açıq Səhmdar Cəmiyyətinın sədri Saleh Məmmədov İran İslam Respublikasının nəqliyyat nazirinin müavini, Əli Nurzadın görüş keçirilib – FOTO
BAKININ ƏN BÖYÜK PROBLEMİ RAMİZ MEHDİYEVƏ TAPŞIRILDI- Prezidentin sərəncamı
Tanınmış jurnalistə yeni vəzifə verildi
“Azəravtoyol” ASC tərəfindən yeni yol hissələri salınıb FOTO + VİDEO
Bakı-Quba yolunun Ceyranbatan hissəsi təmir olunur - (FOTO/VIDEO)
Ziya Məmmədovun tikdiyi körpü fontan vurdu- VİDEO
Körpü yenə uçdu, kənd işıqsız qaldı – VİDEO