Türkiyədə "canlı bomba"nın özün partlatması nəticəsində 3 polis şəhid olub, 11 nəfər yaralanıb - YENİLƏNİB

Türkiyənin Qaziantep şəhərində İŞİD terrorçusunun üzərindəki partlayıcı qurğunu işə salması nəticəsində 3 polis şəhid olub.

 

APA-nın Türkiyənin NTV telekanalına istinadən verdiyi məlumata görə, 4 suriyalı olmaqla 8 nəfər yaralanıb.

 

Bir terrorçu yaralı ələ keçirilib. Polis şəhərdə daha bir "canlı bomba”nı axtarır. 

 

***

 

Türkiyə polis Qaziantep şəhərində antiterror əməliyyatı keçirir.

 

APA-nın "СNN Türk" telekanalına istinadən verdiyi məlumata görə, polisə Qaziantep Universiteti qarşısındakı küçədə evlərdən birində "canlı bomba”ların olduğu barədə məlumat daxil olub.

 

Əməliyyat zamanı terrorçulardan biri üzərindəki partlayıcı qurğunu işə salıb. Nəticədə bir neçə polis əməkdaşı və mülki şəxs yaralanıb. İkinci canlı bomba polislə atəş açmaqda davam edir.