İlham Əliyev Ziya Məmmədovun qudasını da bitirir

Xəbər verdiyimiz kimi, "Ərzaq məhsullarının tədarükü və təchizatı” Açıq Səhmdar Cəmiyyəti Kənd Təsərrüfatı Nazirliyinin tabeliyindən çıxarılıb.

 

Bu, Azərbaycan prezidenti İlham Əliyevin imzaladığı "Ərzaq məhsullarının tədarükü və təchizatı” Açıq Səhmdar Cəmiyyətinin yaradılması haqqında” Azərbaycan Respublikası Prezidentinin 2016-cı il 11 aprel tarixli 1944 nömrəli Sərəncamında dəyişikliklər edilməsi barədə” sərəncamında əksini tapıb.

 

Azərbaycan prezidentinə Cəmiyyətin Nizamnaməsinin və nizamnamə kapitalının miqdarının müəyyən edilməsi səlahiyyəti verilib.

Kənd təsərrüfatı naziri Heydər Əsədov nəqliyyat naziri Ziya Məmmədovun qudasıdır.  Son 1 ildə Ziya Məmmədovun demək olar ki, bütün səlahiyyətləri alınıb və faktiki portfelsiz nazirə çevrilib.

Hakimiyyətdəki mənbələrdən istiqlal.az-a verilən məlumata görə, eyni aqibət Z.Məmmədovun qudasını da gözləyir. Yaxınlarda Kənd Təsərrüfatı Nazirliyinin tabeçiliyində olan "Aqrolizinq" ASC və başqa təsisatların da nazirliyin tabeçiliyindən çıxarılması gözlənilir. Qısa müddətdə H.Əsədov da portfelsiz nazirə çevriləcək.