Velosiped İdmanı Federasiyasından "Formula 1"ə dəstək

Azərbaycan Velosiped İdmanı Federasiyasından Xeberman.com –a verilən məlumata görə, gəzinti çərçivəsində F.Alonso Federasiya tərəfindən təqdim edilmiş velosipedlə Dalğa Plazadan Su İdmanı Sarayınadək olan qısa veloturda iştirak edib. Onunla bərabər Azərbaycan Velosiped İdmanı Federasiyasının baş katibi Fərhad Əliyev, Azərbaycan yığma komandasının baş məşqçisi Aleksandr Averin, peşəkar və həvəskar velosipedçilər də veloturda iştirak edib.

Avropa Qran Prisinin rəsmi elçisi F.Alonso şəhərlə və Bakı Şəhər Halqası ilə bir daha tanışlıqdan sonra öz təəssüratlarını bölüşüb: "Yenidən Bakıda olmaq möhtəşəm hissdir. Son səfərimdən bu yana olan dəyişikliklər sadəcə valehedicidir və trek olduqca gözəl görünür. Azarkeşlərlə görüşmək və belə gözəl şəhərdə velosipedlə gəzintiyə çıxmaq günümü daha da xoş etdi. İndi isə dar döngələri, küləkli küçələri və sürətin son həddini özündə birləşdirən treki sınamaq üçün həftəsonunu səbirsizliklə gözləyirəm".