Banka borcu olan 18 nəfər özünü zəhərləyib

"Banka borcu olduğu üçün krediti ödəyə bilməyən şəxslər arasında sirkə turşusu içərək özlərini zəhərləməyə çalışanlar olub”.

AzVision.az xəbər verir ki, bu barədə Klinik Tibbi Mərkəzin Toksikologiya şöbəsinin müdiri, baş toksikoloq Azər Maqsudov bildirib.

Onun sözlərinə görə, bu ilin fevral ayında 6 belə fakt qeydə alınıb, onlardan 2 nəfəri dünyasını dəyişib. A.Maqsudov qeyd edib ki, martda isə banka borcu olduğu üçün 8 nəfər sirkə turşusu içərək özünü zəhərləyib.

"Aprel və may aylarında bu hallarla əlaqədar xəstəxanaya müraciət edənlərin sayı azalıb. İki ayda cəmi banka borcu olan 4 nəfər sirkə turşusu içərək özünü zəhərləyib”.