Astara mərkəzi xəstəxanasında "RÜŞVƏT" faktı - ŞİKAYƏT

Xeberman.com xəbər verir ki, Astara rayon sakinlərindən şikayət daxil olub. Sakinin qeyd etdiyinə görə Astara Mərkəzi xəstəxanda rüşvət baş alıb gedir. Sakin deyir: "Artıq həkimlər bizə açıq-aşkar pul üçün deyirlər. Adi bir müayinə üçün də pul istəyirlər. Pul verdikdə onu az hesab edib bizə minnət qoyurlar və bu nə puldur? Biz yaşamayaq? Bizim də işimiz budur deyərək daha artıq pul tələb edirlər. Bəzi həkimlər isə, tibb bacılarını bu işlə bağlı öyrədiblər. Hərə öz sahəsində buranı bazara çevirib. Mümkünsə gəlin baş çəkin bura, çəkiliş aparın."

Qeyd edək ki, bu xəstəxanaya ölkə başçısı 2012-də baş çəkib. Əsaslı yenidənqurma işlərinin aparılması, əlavə tibbi avadanlıq və inventarın alınması üçün Prezidentin ehtiyat fondundan 2 milyon manat vəsait ayrılıb.