"İşğala, Terrora və Əsassız İddialara qarşı Beynəlxalq Forum"un nümayəndələri Ankarada görüşlərə başladı
Türkiyədə səfərdə olan "İşğala, Terrora və Əsassız İddialara qarşı Beynəlxalq Forum"un nümayəndələri İzmirdə nəzərdə tutulan tədbirləri yekunlaşdıraraq Ankaraya gəlmişlər.
Xeberman.com saytının verdiy məlumata görə, Azərbaycan, Türkiyə, Gürcüstan, İran, Əfqanıstan, Tatarıstan və Bolqarıstanı təmsil edən 50-dən artıq QHT nümayəndəsi Cümhuriyyət Xalq Partiyası sədrinin köməkçisi Öztürk Yılmaz tərəfindən partiyanın qərargahında qəbul olunub. Öztürk Yılmaz qeyd edib ki, Azərbaycan və Türkiyə ermənilər üzündən zaman-zaman çox acılar yaşayıblar. Dünya bunları görsətə ermənilərin üzərinə getmir. Bu da 
dünyanın bu iki dövlətə qarşı ikili standartıdı. Lakin Türkiyə hər zaman Azərbaycanın yanındadı, arxasındadı, Qarabağ çözümünün həllində Türkiyənin bircə mövqeyi var, işğalçı Ermənistan Qarabağdan qoşunlarını geri çəkməli, Azərbaycanın ərazi bütövlüyü təmin olunmalıdı. Belə olmasa Ermənistanla heç bir əlaqə qurula bilməz. Azərbaycan xalqı bunu da bilməlidi ki, Türkiyədə iqtidar- müxalifət kim olursa olsun Azərbaycanın, Qarabağın əleyhinə olacaq heç bir addım atılmaz. "İşğala, Terrora və Əsassız İddialara qarşı Beynəlxalq Forum"un nümayəndələri yaradılan bu qurumun məqsəd və vəzifələrini açıqlayaraq, Azərbaycanın haqq səsinin dünyaya çatdırılması üçün daha geniş ərazilərdə iş 
aparılmasını,1915-ci il qondarma "erməni soyqırımı" iddialarının yalanlanması istiqamətində görüləcək işləri, Xocalı Soyqırımı faktının tanıdılması üçün Türkiyə və Azərbaycanın birgə fəaliyyət göstərməsinin vacibliyini vurğulayıblar. Daha sonra qeyd olunub ki, təəssüf olsun Fransada baş verən terror hadisələrində 5-10 nəfərin həlak olmasına görə bir araya gələn dövlət başçıları Xocalı Soyqırımını görməzə gəlirlər. Görüşün sonunda Cümhuriyyət Xalq Partiyası sədrinin köməkçisi Öztürk Yılmaz " İşğala, Terrora və Əsassız İddialara qarşı Beynəlxalq Forum"un işinə hər zaman dəstək olacaqlarına, QHT-lərin işıqlı lakin çətin və ağır bir yolda olduqlarını qeyd edərək uğurlar diləyib.
Günün ikinci yarısında Forum nümayəndə heyəti Türkiyə Cümhuriyyətinin qurucusu Mustafa Kamal Atatürkün movzleyi - "Anıtkabır"ı ziyarət edib və muzeylə tanış olublar.
Sonra "İşğala, Terrora və Əsassız İddialara qarşı Beynəlxalq Forum"un QHT rəhbərləri 17 fevral 2016-cı ildə Türkiyənin paytaxtı Ankarada törədilən terror ərazinə gələrək, yad edib, terror qurbanları ruhuna dualar oxuyaraq, qərənfillər düzdülər. Beynəlxalq Forum adından çıxış edən Akif Kərimov terrora qarşı bütün dövlətlərinin, insanların, vətəndaş cəmiyyəti təşkilatlarının birləşməsinin vacib olduğunu bildirib.
Günün sonunda "İşğala, Terrora və Əsassız İddialara qarşı Beynəlxalq Forum"un nümayəndələri Türkiyə Böyük Millət Məclisində olublar. İqdırdan olan millət vəkili Nurəddin Arasla görüşən Forum üzvləri Beynəlxalq Forum barədə məlumat veriblər. Nurəddin Aras Forumun böyük amallara xidmət edəcəyinə inandığını dilə gətirərək uğurlar diləyib. Xocalı Soyqırımı günü ərəfəsində Forumun apardığı işləri dəyərləndirib. Nurəddin Aras özünün də Foruma hər an dəstək olacağını qeyd edib.Forum üzvləri qəbula görə Türkiyə Böyük Millət Məclisinin rəhbərliyinə, xüsusi ilə İqdırdan olan millət vəkili Nurəddin Arasa minnətdarlıq bildiriblər.
"İşğala, Terrora və Əsassız İddialara qarşı Beynəlxalq Forum"un Mətbuat Xidməti
