Məhbus əsgər Prezidentdən kömək istəyir

İlk dəfə məni CM-nin 120.1 maddəsi ilə qəsdən adam öldürmə, 7 ildən 12 ilədək həbslə təqsirli biliblər. Halbuki silahla ehtiyatsız davranma nəticəsində məlum bədbəxt hadisə baş verib. Bu isə CM 350.2 maddəsi ilə silahla ehtiyatsız davranma nəticəsində adam ölümü 2 ildən 5 ilədək dəyərləndirilməli idi. İşimə düz baxılmadığı üçün müstəntiqdən şikayət etdim və 16 oktyabr 2012-ci ildə müstəntiq Tural Həsənliyə töhmət verilib. 

Etdiyim şikayətə görə müstəntiq töhmət aldığından 6 gün sonra məni çağırıb, təhqir edib və maddənin nəinki CM-nin 350.2 maddəsinə tövsif etmiş, əksinə CM-nin 120.1 maddəsindən daha ağır maddəsi olan 120.2.2-yə xuliqanlıqla adam öldürmək, 12 ildən 125 ilədək həbs cəzasına dəyişib. O maddəni ağırlaşdırmaqla qisas almaq istəyib".

"Ortada ölüm faktı var. Mən cinayət etdiyimi boynuma alıram. Lakin layiqli cəza istəyirəm. Axı bu cinayət ehtiyatsızlıqdan olub. Mərhumu qəsdən və ya xuliqanlıqla öldürməmişəm. Əgər mən milyoner və ya nazir balası olsaydım, heç kəs haqsızlıq edə bilməzdi. Bilmirəm nəyə görə, hər zaman fəhlə balası əzilməli, haqsızlıq görməlidir? Tərtər hərbi məhkəməsinin 22 aprel 2013-cü il tarixli hökmü ilə 13 il müddətinə azadlıqdan məhrum edilmişəm. Cəzamın əvvəli 1 avqust 2012-ci il tarixindən hesablanır. Hökmdən etiraz olaraq, apelyasiya şikayəti verdim və yenidən hakim qarşısına çıxarıldım. Məhkəmə zamanı mənim qəsdən və xuliqanlıqla adam öldürdüyümü təsdiq edəcək heç bir fakt aşkar olunmadı. Bununla belə məhkəmə haqq-ədaləti bərqərar edərək maddəmi CM-nin 120.2.2 maddəsindən 350.2-yə dəyişmək əvəzinə məndən işimi yüngülləşdirmək və maddəmi 120.1-ə dəyişmək üçün 15 min manat pul tələb etdilər. Belə olacağı təqdirdə mən 8 il iş alacaqdım və nəticədə hazırkı 13 il cəzamdan 5 il çıxarılacaqdı. Artıq 6-cı ildir, həbsdə olduğumdan bu tezliklə şərti olaraq azadlığa buraxıla biləcəkdim. Lakin mən halal zəhmətlə dolanan, 27 ildir və evsiz-eşiksiz kirayə yaşayan kasıb ailənin övladı olduğumdan tələb olunan 15 min manatı tapa bilmədim. Nəticdə Gəncə Apelyasiya Məhkəməsi 1-ci instansiya məhkəməsinin ədalətsiz hökmünü qüvvədə saxladı. Qarşıda cəmi bir şansım qalıb – Ali Məhkəmə."

Həbsdə olduğu 6 il ərzində zərrəcə pis əməllərə meyl etmədiyini söyləyən məhkum onu da əlavə edib ki, ingilis türk, fars, ərəb və rus dillərini öyrənib: 

"Rus dilinə bir neçə aydır başlamışam. Həbsxana administrasiyası da məni nümunəvi islah olmuş məhkum kimi tanıyır. Çünki heç vaxt rejim qaydalarını pozmadım, dəfələrlə təşəkkürnamə aldım. Hazırda elmlə, mütaliə ilə məşğul olur, kitab və məqalələr yazıram. Sizdən xahiş edirəm ki, işimə yenidən obyektiv baxılmasına və barəmdə qərəzsiz hökm çıxarılmasına köməklik göstərəsiniz. Belə olacağı təqdirdə, mənim ehtiyatsızlıqdan cinayət törətdiyim tam sübuta yetəcək və ədalət bərqərar olacaq. Nəticədə mən azadlığa çıxıb, əzizlərimə qovuşacağam.