Əsas Səhifə / Mədəniyyət
Xalq artisti Arif Məlikov vəfat etdi
9-05-2019, 13:10
Məşhur bəstəkar, SSRİ və Azərbaycanın Xalq artisti Arif Məlikov 85 yaşında vəfat edib.
Bu barədə “Report”a Üzeyir Hacıbəyov adına Bakı Musiqi Akademiyasının rektoru Fərhad Bədəlbəyli məlumat verib.
O bildirib ki, hazırda vida mərasimi və dəfn üçün hazırlıqlar görülür.
“Bu gün saat 14:00-da Bakı Musiqi Akademiyasında Arif Məlikovla vida mərasimi keçiriləcək”, - deyə F.Bədəlbəyli əlavə edib.
Qeyd edək ki, Arif Cahangir oğlu Məlikov 13 sentyabr 1933-cü ildə Bakı şəhərində anadan olub. O, 1960-ci ildə Üzeyir Hacıbəyli adına Azərbaycan Dövlət Konservatoriyasını Qara Qarayevin bəstəkarlıq sinfi üzrə bitirib. Həmin ildən orada dərs deməyə başlayıb. 2016-cı ildə Arif Məlikovun 28 cilddən ibarət “Not əsərlərinin tam külliyyatı” çap olunub. O, 1986-cı ildə SSRİ xalq artisti adına layiq görülüb. 1998-ci ildə “İstiqlal”, 2013-cü ildə “Heydər Əliyev” ordeni, 2018-ci ildə isə “Şöhrət” ordeni ilə təltif olunub. O, 1965-ci ildə Azərbaycan Respublikasının əməkdar incəsənət xadimi, 1978-ci ildə Azərbaycan Respublikasının Xalq artisti fəxri adına layiq görülüb.
Qara Qarayevin anadan olmasından 100 il ötür
Hacıbaba Bağırovun anadan olmasından 85 il ötür
Prezident Fərhad Babayev və Arif Əzizovu “Şöhrət” ordeni ilə təltif etdi
Səyavuş Aslanın anadan olmasından 82 il ötür
Rəşid Behbudovun vəfatından 28 il ötür
Amaliya Pənahova vəfat etdi
Xalq artisti dünyasını dəyişib
Müslüm Maqomayev haqqında 8 seriyalı bədii film çəkiləcək
Azərbaycanın əməkdar artisti dünyasını dəyişib
Lütfi Zadə ilə vida mərasiminin yeri məlum oldu