Əsas Səhifə / Xəbərlər
Tanınmış ziyalılar Mehman Əliyevə görə prezidentə müraciət etdi - MƏTN
6-09-2017, 12:49
"Turan” İnformasiya Agentliyinin həbsdə olan direktoru Mehman Əliyevin azadlığa buraxılması üçün bir qrup ziyalı prezident İlham Əliyevə müraciət edib.
Müraciətdə Azərbaycan Yazıçılar Birliyinin sədri Anar, "Xəzər” Universitetinin rektoru Hamlet İsaxanlı, şərqşünas-alim Fərda Əsədov, Azərbaycanın xalq artisti Nurəddin Mehdixanlı,keçmiş xarici işlər naziri Tofiq Zülfüqarov, Azərbaycan Musiqi Xadimləri İttifaqının sədri Fərhad Bədəlbəyli, Azərbaycan Yazıçılar Birliyinin katibi Çingiz Abdullayev, Milli Məclisin deputatları Rasim Musabəyov, Asim Mollazadə, Fazil Mustafa,Azərbaycanın xalq şairi Sabir Rüstəmxanlı, kinorejissor və ssenarist Ramiz Fətəliyev, Azərbaycan Jurnalistlər Birliyinin sədri Elçin Şıxlı, "Yeni nəsil” Jurnalistlər Birliyinin sədri Arif Əliyev, Jurnalistikanın İnkişafına Yardım Mərkəzinin rəhbəri Qulu Məhərrəmli imzası var.
Müraciəti imzalayanlar dövlət başçısından Mehman Əliyevin işini diqqətə götürməyi xahiş edib:
"Bu şəxsin ölkə mətbuatının inkişafında böyük xidmətləri var, o nüfuzlu jurnalist və media eksperti kimi dünyada tanınır. Mehman Əliyev özü və başçılıq etdiyi agentlik çoxsaylı mükafatlara layiq görülüb.
"Turan” agentliyi Azərbaycan ətrafında yaranmış informasiya blokadasının yarılmasında və Qarabağ münaqişəsi haqqında həqiqətlərin dünya ictimaiyyətinə çatdırılmasında fəal rol oynayıb. Xocalı faciəsi barədə dunyaya ilk məlumatı məhz "Turan” agentliyi çatdırıb. Həmin faciə haqqında çəkilmiş "Sonsuz dəhlız” fılmındə "Turan”ın nadir arxiv sənədlərindən və agentliyin əməkdaşlarının yaradıcı dəstəyindən geniş istifadə edilib. Bu beynəlxalq layihə sayəsində dünyada yarım milyarddan çox insan Xocalı faciəsi barədə məlumatlandırılıb.
Mehman Əliyevin istintaqdan yayınma ehtimalı ilə həbsdə saxlanılması inandırıcı deyil, çünkü ilk gündən o, istintaqdan boyun qaçırmayıb, əksinə, onunla əməkdaşlıq edib.
Cənab Prezident, biz cəmiyyətin yaxşı tanıdığı bır jurnalistin taleyindən narahatlığımızı ifadə edirik. İstintaqın obyektiv aparılmasına və Mehman Əliyev barəsində həbs qətiimkan tədbirinin dəyişdirilməsinə kömək göstərməyinizi xahış edirik". / BakuPost.az
Xalq şairi vəfat etdi
Mətbuat Şurası Mehman Əliyevlə bağlı prezidentə müraciət edib
Xalq şairi Fikrət Qocanın oğlu faciəvi şəkildə öldü
Nərimanov rayon gənclərinin Azərbaycan xalq yazıçısı Çingiz Abdullayev ilə görüşü keçirilib
İlham Əliyevdən yeni təyinatlar - Sərəncam
Qulu Məhərrəmli yenidən efirdə
Mehman Əliyevə qarşı əlavə ittiham irəli sürülüb - YENİLƏNİB
"Deyirlər get kimə istəyirsən şikayət et" "Təmiz dünya Qadınlara Yardım" İctimai Birliyinin sədri Mehriban Zeynalova
Mehman Əliyev saxlanıldı
Mehman Əliyev Heydər Əliyevi necə xilas etdi?