İqtisadiyyat
“Cənub Qaz Dəhlizi”nin maliyyələşmə məsələləri müzakirə edilib
24-02-2017, 19:25
Energetika Nazirliyindən Xeberman.com -a bildirilib ki, müzakirələr energetika naziri Natiq Əliyevin “Cənub Qaz Dəhlizi” Məşvərət Şurası çərçivəsində nazirlərin üçüncü toplantısında iştirak üçün Bakıda səfərdə olan Avropa İnvestisiya Bankının (AİB) Mərkəzi və Cənubi Avropa şöbəsinin müdiri Flavia Palanzanın rəhbərlik etdiyi nümayəndə heyəti ilə görüşündə aparılıb.
“Cənub Qaz Dəhlizi” QSC-nin baş direktoru Əfqan İsayev və AİB-nin enerji təhlükəsizliyi bölməsinin direktoru Racan Sancoy, onun müavini Piter Cefreys və bankın Türkiyəyə ayırdığı kreditlər üzrə baş mütəxəssisi Tekin Çotukun daxil olduğu nümayəndə heyətinin iştirakı ilə keçən görüşdə “Cənub Qaz Dəhlizi” layihəsinin maliyyələşməsi ətrafında müzakirələr olub.
Məşvərət Şurasının üçüncü iclasını qlobal layihəni daha da irəliyə aparacaq çox vacib tədbir kimi dəyərləndirən energetika naziri Natiq Əliyev beynəlxalq maliyyə qurumlarının toplantıda iştirakının mühüm əhəmiyyət daşıdığını bildirib: “2017-ci il “Cənub Qaz Dəhlizi” layihəsinin həyata keçirilməsində həlledici tarix sayılır və işlərin vaxtında başa çatdırılması maliyyə təminatından da asılıdır. Beynəlxalq maliyyə təsisatlarının toplantıya qatılaraq layihənin icra vəziyyəti ilə tanış olmaları isə müvafiq qərarların qəbulunu sürətləndirəcək”.
Nazir bildirib ki, dünyada iqtisadi-maliyyə çətinliklərinin davam etməsinə baxmayaraq, “Cənub Qaz Dəhlizi” layihəsinin hazırda maliyyələşmə, maliyyə mənbələrinin tapılması ilə bağlı problemləri yoxdur. Bir illik müddətdə Dünya Bankı, Asiya İnkişaf Bankı və Asiya İnfrastruktur İnvestisiya Bankı, Beynəlxalq Yenidənqurma və İnkişaf Bankı, Avropa Yenidənqurma və İnkişaf Bankı kimi beynəlxalq maliyyə qurumlarının “Cənub Qaz Dəhlizi” layihəsinin həyata keçirilməsi üçün maliyyə dəstəyinə, eləcə də Avropa İnvestisiya Bankının layihəyə maraq göstərməsinə nail olunub.
Avropa İnvestisiya Bankının Mərkəzi və Cənubi Avropa şöbəsinin müdiri F.Palanza isə Azərbaycanın prioritetinin həm də Avropanın hədəfi olduğunu deyərək, TANAP və TAP layihələrinin maliyyələşdirilməsinin nəzərdə tutulduğunu bildirib. O, istənilən layihə ilə bağlı maliyyə qərarlarının qəbulunda yetərli məlumatlara malik olmağın xüsusi rol oynadığını diqqətə çatdırıb. Azərbaycanın qaz ehtiyatları, ixrac imkanları, daxili tələbatı ilə maraqlanıb və mütəmadi məlumat mübadiləsinin bankın layihələrə cəlb edilməsinə təsir göstərəcəyini qeyd edib.
Görüşdə həmçinin bərpa olunan enerji mənbələri ilə bağlı layihələrin maliyyələşmə perspektivləri də müzakirə olunub.
“Cənub Qaz Dəhlizi” Məşvərət Şurasının 3-cü iclasına dəvət almış ölkələr iştiraklarını təsdiqləyiblər
“Cənub Qaz Dəhlizi” Məşvərət Şurası çərçivəsində nazirlərin üçüncü görüşünə iştirak edəcək ölkələrin sayı dəqiqləşib
Bakıda mühüm toplantı keçiriləcək
“Cənub Qaz Dəhlizi” Məşvərət Şurasının 3-cü iclası Bakıda bu il fevral 23-ə təyin edilib
Energetika nazirinin müavini Natiq Abbasov Almaniya İqtisadiyyat və Sənaye Nazirliyinin xarici iqtisadi siyasət idarəsinin rəhbəri Ekard Frans görüş keçirilib
Natiq Əliyev Dövlət Departamentinin nümayəndəsini qəbul edib
Natiq Əliyev Bolqarıstan energetika nazirinin müavini Jeçko Stankovun başçılıq etdiyi nümayəndə heyəti Azərbaycan Respublikasının Energetika Nazirliyində olub.
Energetika Nazirliyində Avropa İttifaqı Şurasının Şərqi Avropa və Mərkəzi Asiya üzrə İşçi Qrupunun nümayəndə heyəti ilə görüş keçirilib
Natiq Əliyev Bolqarıstanın Azərbaycandakı səfiri xanım Maya Xristovanı görüş keçirib
Natiq Əliyev Çex Respublikasının nümayəndə heyəti ilə görüş keçiriB