Bakıda çoxmərtəbəli binada yanğın - Sakinlər təxliyə olundu

Paytaxtda çoxmərtəbəli binada yanğın baş verib.

Trend-in məlumatına görə, yanğın Babək prospekti, 1130-1133 cü məhəllə, 8-ci binanın 15-ci mərtəbəsində qeydə alınıb.

Hadisə yerinə 3 yanğınsöndürmə maşını cəlb olunub.

Yuxarı mərtəbələrdəki mənzillərin sakinləri təxliyə olunub.

İlkin məlumata görə, hadisə nəticəsində xəsarət alan olmayıb.

Qeyd edək ki, bu bina qaz və istilik təchizatı ilə təmin olunmayıb. Buna görə də yanğının həddindən artıq yüklənən elektrik naqillərindəki qısaqapanmadan qaynaqlandığı bildirilir.