Gecənin fotosu: O, ağrıdan ağlamır, komandasından ayrıldığına ağlayır

Ronaldo anlayır ki, onsuz komandası zəif olacaq. Hətta komanda onun yoxluğunda bir-birinə kilidlənib daha yaxşı oynasa, qələbə qazansa, Ronaldonun bu qələbədə payı olmayacaq. 

O, çempionluq kubokunu kapitan olaraq başı üzərinə ilk qaldırmağı xəyal edirdi. Ronaldonun xəyalını puç etdilər, dizini yerə gətirdilər. 

İndi çoxları əmindir ki, Fransa millisinin müdafiəçisi Ronaldonu qəsdən zədələdi. Ola bilər. Ronaldo Portuqaliyanın əsas qol silahıydı, oyun qurucusuydu. Onu sıradan çıxarmaqla fransızlar rəqibi tərksilah etməyi düşünə bilərdilər. 

Avro-2016-nın finalı bu hadisə ilə yadda qalacaq. 21-ci əsrin ən böyük iki futbolçusundan birinin zədələnərək oynaya bilməməsi ilə xatırlanacaq. Oyunun nəticəsindən asılı olmayaraq.