Bu kəndin sakinləri cəmi 3,5 saat oruc tuturlar

Günəş saat 11.00-də doğub 14.30-da batır

Xeberman.com habertürk-ə istinadla verdiyi məlumata görə, bu il mübarək Ramazan ayı şimal yarımkürəsində ilin ən uzun günlərinə təsadüf edir. Misal üçün oruc tutma müddəti Arəzbaycan və Türkiyədə 17, Skandinaviyada isə 22 saatı keçir.

Ərəbistan yarımadasının şərqindəki Omanda kiçik bir kəndin xalqı isə bu məsələdə qərarsız qalıb. Çünki 2 min metr hündürlükdə ətrafı sıldırım dağlarla əhatəli Vekan kəndində günəş saat 11.00-də doğub 14.30-da batır. Kəndin bir təbəqəsi oruc tutma vaxtını ölkənin imsaq və iftar saatları ilə, bir qismi isə şəfəq və günbatımına görə tutulmasını bildirirlər.