Əsas Səhifə / Gündəm
Ölkədə internet fəlakəti - elektron media iflic olub - YENİLƏNİB
16-11-2015, 18:31
Bu gün saat 16 radələrində Azərbaycanda İnternet rabitəsi əvvəlcə kəsilib, sonra isə məhdud bir şəkildə bərpa edilib.
Bu səbəbdən elektron media kateqoriyasına daxil olan yüzlərlə saytın onlayn qaydada işi iflic olub: yeni xəbərlərin sayta yerləşdirilməsi dayanıb, beynəlxalq media qurumlarından operativ xəbərlərin izlənməsi kəsilib. Bundan başqa, mobil operatorlar fəaliyyəti zəifləyib, ölkələraarası yazışmalar aparmaq mümkün olmayıb, yüz minlərlə insanın internet üzərindən qurduqları ünsiyyət məhdudlaşıb.
Xəbər verilir ki, banklarda, hava limanında, iri şirkətlərin fəaliyyətində problemlər yaranıb, onlayn satışlar tamamilə dayanıb.
Əldə olunan məlumata görə, internetin kəsilməsinə səbəb Azərbaycana internet verən DELTA Telecom-un datacenter-ində baş verən yanğındır. Server otağında olan yanğına görə bu problem yaranıb. Bu barədə hadisə yerində olan yanğınsöndürənlər məlumat verib.
Yanğının baş verməsi barədə yayılan xəbərlər Rabitə və Yüksək Texnologiyalar Nazirliyinin rəsmiləri tərəfindən təsdiqlənib.
Qeyd olunur ki, yanan serverlərin təzələnməsi bir neçə gün çəkəcək. Ehtimal var ki, bir neçə gün Azərbaycan ərazisində internet zəif və çox zəif olacaq.
Hələlik heç bir rəsmi məlumat yaymayıblar.
Bəzi ekspertlərsə hesab edir ki, baş verən internet fəlakəti Azərbaycana qarşı xaricdən olan təxribatdır. Lakin bu cür versiyaları rəsmi şəkildə təsdiq edən heç bir mənbə olmadı.
Qəzet çapa gedəndə, Azərbaycandakı misli görünməyən internet fəlakəti davam edirdi.
Musavat.com
Parlamentdə elektron mediaya maliyyə dəstəyi göstərilməsi məsələsi qaldırılıb
Gürcüstan Azərbaycan sərhədində böyük tıxac yaranıb
“Nar” abunəçilərin 84%-i Müştəri Xidmətlərini yüksək balla qiymətləndirib
İnternet niyə kəsilmişdi: Ekspert "təxribat" deyir - VİDEO
Əflatun Amaşov: Savadı olmayanlar da onlayn mediada meydan tapıblar
‘Bakcell’in analoqu olmayan yeni internet fırıldağı – Cibimizə girməyin yeni üsulunu tapdılar
“Nar” Telekommunikasiya, İnformasiya və Bank Texnologiyaları – 2016 (TIBO) beynəlxalq forumunda iştirak edir
Azərbaycanda əcnəbilər üçün – YENİ QAYDA
Azərbaycanda hərbi xidmətlə bağlı mühüm qərar - RƏSMİ
“Nar” və “World Telecom”-dan “Qışın isti təklifi”