Siyasət
Yavər , Mərdan Camalov qardaşlarının növbəti “çp”si
31-08-2016, 20:26
Hesablama Palatası Şirvan şəhər İcra Hakimiyyətində maliyyə pozuntuları aşkarlayıbHesablama Palatasının Kollegiyası müvafiq qanunvericiliyin tələblərinə uyğun olaraq, 2014-2015-ci illərdə və 2016-cı ilin birinci rübündə dövlət büdcəsinin yerli xərclərinin "Mənzil və kommunal təsərrüfatı” bölməsindən Şirvan şəhər Icra Hakimiyyətinə və onun tabeliyində olan idarə, müəssisə və təşkilatlara ayrılan vəsaitlərin proqnozlaşdırılması və istifadəsi vəziyyəti ilə bağlı həyata keçirilmiş auditin nəticələri üzrə hesabatı müzakirə edərək təsdiqləyib.
Gununsesi.info xəbər verir ki, Şirvan şəhərində 1 yanvar 2016-cı il tarixə mənzil fondunda özəlləşdirilmiş mənzillərin yaşayış sahəsi 193870 m2, dövlət mülkiyyətində olan mənzillərin yaşayış sahəsi 140365 m2, fiziki və hüquqi şəxslər tərəfindən istifadə edilən qeyri-yaşayış sahəsi 185606 m2 olub.
Dövlət mülkiyyətində olan mənzillərin özəlləşdirilməsi hesabına 2014-cü ilin əvvəlinə olan göstərici ilə müqayisədə özəlləşdirilmiş mənzillərin yaşayış sahəsi 1 aprel 2016-cı il tarixə 3,7 faiz çox olub. Audit 4 qurumda həyata keçirilib və ümumilikdə 4817 min manat məbləğində vəsait əhatə olunub. Şirvan şəhər Icra Hakimiyyəti və aidiyyəti qurumlar tərəfindən mənzil fondunun istismar yığımı nəzərə alınmayıb, mənzil fondunun hər m2-ə düşən xərc araşdırılmyıb. Eyni zamanda mənzil fondunun zərəri proqnozlaşdırılarkən əsaslandırıcı hesablama aparılmayıb, bir sıra hallarda vəsaitin təyinatı dəyişdirilməklə icra edilib. Qurumlar tərəfindən təsərrüfat gəlirləri hesabına maliyyələşməli xərclər bəzi hallarda büdcə vəsaiti hesabına ödənilib, müvafiq bölgüyə riayət edilmədən tələbatdan artıq alınmış vəsaitin təyinatı dəyişdirilərək təsərrüfat məqsədlərinə, o cümlədən vergi qanunvericiliyinə riayət edilməməsi səbəbindən vergi orqanları tərəfindən hesablanıb və tətbiq olunmuş maliyyə sanksiyasının ödənişinə yönəldilib. Bəzi hallarda artıq ödənişlərə, həmçinin mövsümə uyğun olmayan alışlara vəsait yönəltməklə səmərəsiz xərclərə yol verilib. Bir sıra hallarda malların (işlərin və xidmətlərin) alınmasına satınalma metodu tətbiq edilmədən vəsait yönəldilib, mal-materialın ehtimal olunan qiyməti müvafiq qaydada müəyyən edilməyib və orta bazar qiyməti nəzərə alınmayıb. Auditlə əhatə olunan dövrdə mal-materialların alışı əsasən nağd qaydada təhtəlhesab şəxs vasitəsi ilə həyata keçirilib, bəzi hallarda artıq material və vəsait silgisinə yol verilib. Milli Mühasibat Uçotu Standartlarına keçid təmin olunmayıb. Hesabat dövründə kommunal xidməti üzrə şəxsi həyətyanı ev sahibləri, hüquqi və fiziki şəxslər ilə əvvəlki müqavilə öhdəlikləri yerinə yetirilmədiyi halda yeni müqavilələr bağlanılması nəticəsində debitor borcu ildən-ilə qalıq kimi keçirilib. Ödəniş növbəliliyi gözlənilmədiyindən büdcə və sosial sığorta üzrə kreditor borcu auditlə əhatə olunan dövrdə artıb.
Hesablama Palatasının Kollegiyası Şirvan şəhər Icra Hakimiyyəti və onun tabeliyində olan idarə, müəssisə və təşkilatlar tərəfindən yol verilmiş nöqsanların əsasən audit dövründə aradan qaldırıldığını nəzərə almaqla müəyyənləşdirilmiş digər nöqsan və çatışmazlıqların qısa müddət ərzində ləğv edilməsi, həmçinin nöqsanlara yol vermiş vəzifəli şəxslərin qanunvericiliklə nəzərdə tutulmuş qaydada məsuliyyətə cəlb edilməsi barədə qərar qəbul edib. Icra olunması və həyata keçirilmiş tədbirlər barədə Hesablama Palatasına məlumat verilməsi məqsədilə qərarın surəti Şirvan şəhər Icra Hakimiyyətinə göndərilib.
Məlumat üçün deyək ki, Şirvanın icra başçısı müdafiə sənayesi naziri Yavər Camalovun qardaşı Mərdan Camalovdur. Bir müddət əvvəl Şirvanda Müdafiə Sənayesi Nazirliyinə məxsus "Araz” zavodunda partlayış vermişdi. Bu hadisəyə görə Camalovların "vurulacağı” barədə iddialar səsləndirilirdi.
Indi də Hesablama Palatası Mərdan Camalovun fəaliyyətində ciddi nöqsanlar aşkarlayıb. Ehtimallara görə, hakimiyyət referendumdan sonra Camalovlarla vidalaşa bilər.
Şirvan Şəhər İcra hakimiyyətinin fəaliyyətində - ciddi pozuntular
Yavər Camalovun icra başçısı olan qardaşının “vurulması” dəqiqləşir
Yavər Camalov qardaşını necə qoruyur? – Milyonlarla manatın qaranlıq aqibəti...
Eldar Əzizovun da rayonunda nöqsanlar - Pullar hara xərclənib?
Nazirlikdə yoxlama aparıldı - Nöqsanlar var
Bakıda yeni söküntü dalğası başlayır
Oğlu avtosalona hücum edən icra başçısına yoxlama göndərildi
3 İCRA BAŞÇISININ KORRUPSİYA ƏMƏLLƏRİ AÇILDI – Şok hesabat
Bu dövlər qurumlarında nöqsanlar aşkarlandı - Yoxlama
Məktəb tikintisində korrupsiya aşkarlandı