Sabiq deputat və komitə sədri həbs olunacaq - Gülən işi

15 iyul hərbi çevriliş cəhdindən sonra Azərbaycanda da terrorçubaşı Fətullah Gülənin yaxın adamlarının araşdırlıb üzə çıxarılması istiqamətində müəyyən addımlar atılır.

Hakimiyyətə yaxın "Olaylar" İnformasiya Agentliyinin yaydığı  məlumata görə, FETÖ qruplaşması ilə yaxından əlaqədə olan şəxslər arasında sabiq millət vəkilləri, keçmiş komitə rəhbəri də var. 

Mənbənin məlumatına görə, bunlar Dini Qurumlarla İş üzrə Dövlət Komitəsinin keçmiş sədri Elşad İsgəndərov və sabiq millət vəkili Ceyhun Osmanlıdır. Yaxın günlərdə həm Elşad İsgəndərov, həm də Ceyhun Osmanlı barədə həbs qərarı veriləcək.