Biləsuvar ƏSMM-də mənimsəmələr davam edir
Bu şərtlərlə razılaşmayıb dövlət tərəfindən ayrılan yardımı tam həcmdə almaq hüququ uğrunda mübarizə aparanlar isə, o dərəcədə süründürməçiliklə üzləşirlər ki, bir çoxları nəhayətdə yardımdan imtina etmək barədə qərar verməli olurlar. Hətta məlumatlarda bu da bildirilir ki, Nazim Məmmədov direktor vəzifəsinə təyinat alandan dərhal sonra rəhbərlik etdiyi mərkəzdə rüşvət bazarını daha da genişləndirməyə başlayıb. Belə ki, yeni direktor daha çox rüşvət toplamaq üçün hətta mərkəzdə ünvanlı sosial yardıma aidiyyaatı olmayan digər şöbələrin işçilərini də vətəndaşlardan ünvanlı sosial yardım sənədlərini qəbul etmək və rüşvət toplamaq işinə cəlb edib. Əlbəttə, bütün bu məlumatlar ciddi araşdırmaların aparılmasını tələb edir. Lakin bizimdovr.az-a təqdim olunan açıqlamalarda belə bir məqam da vurğulanır ki, Nazim Məmmdovun özbaşınalıqlardan doğan narazılıqlar artıq rayon rəhbərliyinin də diqqətini cəlb edib. Mənbələrin iddialarına görə, ƏSMM-nin direktoru hətta bir neçə dəfə Biləsuvar Rayon İcra Hakimiyyətində keçirilən iclaslardan başçı Mahir Quliyev tərəfindən qovulub da.
Çox maraqlıdır ki, əksər rayon ƏSMM rəhbərlərnin analoji cinayət əməllərinə görə artıq məsuliyyətə cəlb olunduqları bir vaxtda bəziləri hələ də vəzifə kreslosunda rahatca əyləşərək öz mənfur əməllərinə davam etməkdə və hətta başqa-başqa vətəndaşları təhdid etməkdədirlər. Ümid edirik ki, ən qısa müddətdə Əmək və Əhalinin Sosial Müdafiəsi Nazirliyi tərəfindən Biləsuvar ƏSMM-nin fəaliyyəti ciddi şəkildə araşdırılacaq və bütün bu məsələlərə tam aydınlıq gətiriləcək. Çünki mövcud problemlər, ayrı-ayrı strukturlarda yol verilən neqativ hallar ifşa olunub aradan qaldırılmadıqca bu sahədə həyata keçirilən islahatların da tam effektivliyi ilə nəticələnməsi mümkün deyil. Təəssüflər olsun ki, bu gün əksər rayonlarda fəaliyyət göstərən ƏSMM-lərdə baş alıb gedən özbaşnalıqlar, bu mərkəzlərin rəhbərləri tərəfindən vətəndaşların hüquqlarının kobudcasına və kütləvi şəkildə pozulması halları hələ də dövlət islahatlarının tam gücü ilə həyata keçirilməsini əngəlləyən faktorlar kimi çıxış edirlər.(bizimdövr.az)
Materialda adı keçən bütün tərəflərin mövqeyini öyrənməyə hazırıq.