İqtisadiyyat
Heydər Babayevin əlindən alınan banka yeni rəhbər təyin olundu
12-07-2016, 14:40
"Bank Standard”-a yeni rəhbər təyin olunub Maliyyə Bazarlarına Nəzarət Palatasından (MBNP) verilən məlumata görə, 12 iyul 2016-cı iltarixində "Bank Standard” KB-nın müvəqqəti inzibatçısı tərəfindən Xalid Əhədov banka Baş Direktor təyin olunub.
Məlum olduğu kimi ”Bank Standard” KB-da yaranmış maliyyə problemlərin tənzimlənməsi məqsədilə Maliyyə Bazarlarına Nəzarət Palatası (MBNP) tərəfindən mayın 3-dən etibarən banka 3 ay müddətinə müvəqqəti inzibatçı təyin edilib, kritik likvidlik çatışmazlığı ilə əlaqədar sosial xarakterli ödənişlər istisna olmaqla bankın digər öhdəliklərinin ödənişinə 4 iyul 2016-cı il tarixinədək moratorium tətbiq olunub.
Bankın əhəmiyyətini nəzərə alaraq, 4 iyul 2016-cı ildə onun səhmlərinin nəzarət zərfi dövlətə məxsus olan "Azər-Türk Bank” ASC vasıtəsilə sanasiya edilməsi haqqında qərar qəbul olunub.
Sanasiya proqramı çərçivəsində, X.Əhədov bankın İdarə Heyətinin Sədri səlahiyyətlərini icra edərək, 3 avqust 2016-cı il tarixinədək "Bank Standard” KB-nın idarəetmə orqanlarını formalaşdıracaq və həmin tarixdən bank fəaliyyətini biznes strategiyasına uyğun qaydada tam həcmdə bərpa edəcək.(moderator.az)
Artıq Xalid Əhədov "Bank Standard”-ın kollektivinə təqdim edilmişdir.
X.Əhədov 2002-ci ildən bank sektorunda fəaliyyətə başlamış, "Bank of Baku” və "Unibank”-da rəhbər vəzifələrdə çalışıb.
“Bank Standard”ın problemləri bitmir ki bitmir
“Bəzi bankirlərin də cəzalandırılacağı gözlənilir”
“Bank Standard”da 50 min manatlıq dələduzluq hadisəsi baş verib
Heydər Babayevə məxsus olan bank bağlandı –Rüfət Aslanlı səbəbi açıqladı
3 dövlət qurumu ləğv edildi
Azərbaycanda 4 bank bağlandı
Azərbaycandakı bu banka qadın rəhbərlik edəcək
Azərbaycanda daha bir neçə bank bağlanacaq
Dövlətin nəzarətində olan bir bankda qalmaqal
İki bank rəhbəri nəyə qurban getdi?