Dövlətin nəzarətində olan bir bankda qalmaqal

Noyabrın sonunda Hesablama Palatası, eləcə də Korrupsiyaya Qarşı Mübarizi  İdarəsinin əməkdaşlarından ibarət qrup qəfil banka gələrək yoxlamalara başlayıb. Hesablama Palatası  "Azər-Türk Bank”da  təxminən 128 milyon manatın "yoxa çıxdığını” üzə çıxarıb. Eləcə də əhaliyə gün ərzində cəmi  bir neçə min dollar satıldığı halda sənədləşmələrdə  bu məbləğin  bir neçə yüz dəfə şişirdildiyi təsdiqlənib. Məlum olub ki, bankın Xətai rayonunda,  "Ağ şəhər”dəki  mərkəzi ofisi iş günün sonundan sonra bağlanmırmış, daha dəqiqi dollarlar "arxa qapıdan”  xüsusi maşınlarla Bakının "qara  bazar”ındakı dəllallara ötürülmüş. 

Bildirilir ki, maliyyə  nazirinin kadrı kimi tanına bankın İdarə Heyətinin sədri Fərhad Adıgözəlov hətta saxlanılıb, onu dindirmək üçün aparıblar.  Sorğu-sualdan sonra sərbəst buraxılan İdarə Heyətinin sədri dərhal istefa verib. 

"Azər-Türk Bank” ASC-nin Müşahidə Şurasının növbədənkənar iclası barədə bank rəhbərliyi yalnız kiçik bir xəbər yayaraq, bankda əsli baş  verənlərlə bağlı medianın diqqətini cəlb etməməyə çalışıblar. Qeyd edək ki, iclasda "Azər-Türk Bank”ın İdarə Heyətinin sədri  Xalid Nurəddin oğlu Əhədov (atası tanınmış ürək həkimi, Müsavat Partiyasının keçmiş rəhbərlərindən, keçmiş millət vəkili olub – red. ) seçilib. Qeyd edək ki, X.Əhədov bundan əvvəl ləğvetmə prosesində olan "Bank Standard” QSC-nin İH-nin sədri olub. 

"Azər-Türk Bank”ın səhmlərimin hökumətə məxsus 75 faizi Əmlak Məsələləri üzrə Dövlət Komitəsinə aiddir.Amma dövlət adından bu səhmlərə nəzarəti Maliyyə Nazirliyi həyata keçirir və maliyyə nazirinin müavini də Müşahidə Şurasında iştirak edir.

Dekabrın 8-də isə Azərbaycan Beynəlxalq Bankının İdarə Heyətinin sədri Elmar Məmmədov da gözlənilmədən vəzifəsindən azad edilməsi xəbəri yayılıb. Məlumata görə,  "Sığorta Mamedin" oğlu Elmar Məmmədov heç kimin gözləmədiyi halda vəzifəsindən azad ediləndən dərhal sonra hüquq-mühafizə orqanları onu saxlayıb.