Əsas Səhifə / Gündəm
Dniproavia” kompaniyasının azərbaycanlılara müjdəsi
5-05-2014, 08:29
Dnepropetrovsk vilayətində yaşayan soydaşlarımızın çoxsaylı mürüciətinə əsasən açılan Dnepropetrovsk –Bakı, Bakı-Dnepropetrovsk təyyarə reysini “Dniproavia” kompaniyası həyata keçirəcək.
Ukrayna Azərbaycanlıları Konqresinin Dnepropetrovsk Vilayət təşkilatının sədri Qüdrət Hacıyevin Avrasiya.net-ə verdiyi məlumata görə yay mövsümündə belə bir təyyarə reysinin açılması vilayətdə yaşayan 30 mindən çox azərbaycanlının, xüsusən də şərqi Ukraynada təhsil alan minlərlə azərbaycanlı tələbələrin vətənə gediş –gəlişinin asanlaşdırılmasında mühüm rol oynayacaq. Onun sözlərinə görə, Dnepropetrovsk-Bakı təyyarə reysi həmçinin Xarkov, Zaporojye, Donetsk, Poltava vilayətlərində yaşayan minlərlə soydaşlarımıza da xidmət edəcək. Şərqi Ukraynada yaşayan soydaşlarımız Vətənə getmək üçün hökmən 600-700 km məsafə qət etməklə məcburən Kiyev -Bakı təyyarə reysindən istifadə edirdilər.
”Dniproavia” şirkətindən verilən məlumata görə, Dnepropetrovsk –Bakı təyyarə reysi ilkin olaraq uçuşlarını may ayının 17-dən başlayaraq hər həftənin şənbə günü yerli vaxtla səhər saat 10-15-də Dnepropetrovsk şəhərindən, 15-45-də isə Bakıdan həyata keçirəcək. Biletlərin qiyməti də sərnişinlərin istəyinə uyğundur. Belə ki, Kiyevdən Bakiya ikitərəfli uçuşun qiyməti 6 min qrinva(550 $) olduğu təqdirdə Dnepropetrovski-Bakı, Bakı-Dnepropetrovsk reysinin qiyməti 4 min qrivna(350$) təşkil edəcək. ”Dniproavia” kompaniyası əlavə olaraq 12 yaşından 24 yaşına, o cümlədən 60 yaşından yuxarı olan sərnişinlərə 25 faiz güzəştli biletlət satacaq.
Kompaniya sərnişinlərin tələbinə uyğun olaraq iyun ayından etibarən reysin sayını həftədə 2 dəfəyə qaldırmağıda nəzərdə tutub. Gələcəkdə Xarkov-Bakı təyyarə reysinin açılmasıda “Dniproavia” kompaniyasının planına daxildir. Yeni təyyarə reysinə bilet almaq istəyən sərnişinlər dniproavia.com saytına və istənilən avio bilet satışı agentliklərinə müraciət edə bilərlər.
Dnepropetrovsk şəhərinə gedənlərə xoş xəbər
20 yanvar şəhidlərinin xatirəsi Dnepropetrovsk şəhərində yad edilib
5 azərbaycanlı iş adamı oğurlandı
Xarkovda həmrəylik konserti keçirilib
Azərbaycan nazirinin adamı Bağdasaryanla ortaqdır
İngiltərədə təyyarə qəzaya uğrayıb: Ölən və yaralanan var
Bakı aeroportunda insident
Arvadını Bakıya gətirmək istədi, dava düşdü
Son dəqiqə: Hərbçiləri daşıyan təyyarə partladı-YENİLƏNİR
Rövşən Lənkəranskinin nəşini Lənkərana gətirəcək təyyarə yola düşür