"Bizi tənqid etmək Ərdoğanın katibinin işi deyil"

Axar.az xəbər verir ki, bu sözləri Rusiya Dövlət Dumasının Beynəlxalq Əlaqələr Komitəsinin sədri Aleksey Puşkov Tvitter hesabında yazıb.

"Rusiyanın nüfuzu Suriyada apardığı əməliyyatlarla, Krımla yenidən birləşməklə və BMT-də oynadığı rolla ölçülür. Rəsmi Ankara administrasiya sözçüsünə belə bir təlimat verərək təxribat yaradır. Ərdoğan işləri daha da qəlizləşdirir. Türkiyə, Səudiyyə Ərəbistanı və ABŞ Əsədi devirmək istəyərkən, İŞİD-ə 34 qrup qoşuldu”, - Puşkov qeyd edib.

Qeyd edək ki, Türkiyə Prezident Administrasiyasının sözçüsü İbrahim Kalın mətbuat konfransı zamanı Rusiyanı sərt tənqid etmişdi.