Texnologiya
Çində beş min haker həbs olunub
19-07-2017, 15:22
Son dörd ay ərzində Çində şəbəkədə şəxsi məlumatların oğurlanması işi ilə bağlı 5 min nəfərə yaxın haker saxlanılıb.
Xeberman.com lent.az-a istinadən xəbər verir ki, burada söhbət şəxsi məlumatların hakerlər tərəfindən sındırılmasından və oğurlanmasından gedir.
Qeyd edilən müddət ərzində Çinin hüquq-mühafizə orqanları bütün ölkə üzrə keçirilən xüsusi əməliyyatlar nəticəsində 1800-dən artıq işin araşdırmasını yekunlaşdırıb.
Qurumun yaydığı məlumata əsasən, çox vaxt məlumatların sızmasının mənbəyi iri şirkətlərin və ictimai təşkilatların əməkdaşları olurlar.