Dünya
Ekvador prezidenti Culian Assanjı haker adlandırıb
30-05-2017, 17:08
Ekvador prezidenti Lenin Moreno jurnalistlərə açıqlamasında WikiLeaks-in qurucusu Culian Assanjı haker saymasına baxmayaraq, onun Londondakı Ekvador səfirliyində qalmaqda davam etməsinə icazə verəcəyini bildirib.
AZƏRTAC TASS informasiya agentliyinə istinadla xəbər verir ki, Moreno, həmçinin Assanjı Ekvadorun və ya digər ölkələrin daxili siyasətinə qarışmamağa çağırıb. Culian Assanj isə sosial media hesabında jurnalist və redaktor olduğunu, hətta ABŞ-ın onu haker hesab etmədiyini yazıb. O, ötən həftə hesabındakı digər paylaşımda Ekvadorda korrupsiya barədə sənədlər əlinə keçərsə, onları da ictimaiyyətə açıqlayacağını bildirmişdi.
Xatırladaq ki, 2010-cu ildə Stokholmda iki qadına seksual təcavüzdə ittiham olunan Assanj İsveç hüquq mühafizə orqanlarının sorğusuna əsasən Londonda həbs edilmiş, lakin çox keçmədən girov müqabilində azadlığa buraxılmışdı. İsveçin onu ABŞ-a verəcəyindən ehtiyatlanan Culian Assanj 2012-ci ildə siyasi sığınacaq xahişi ilə Ekvadorun hakimiyyət orqanlarına müraciət etmişdi və beş ilə yaxındır ki, bu ölkənin Londondakı səfirliyində qalır.
Bu il mayın 19-da İsveç prokurorluğu Assanjın işi üzrə istintaqın dayandırılması barədə qərar çıxarsa da, Britaniya polisi onun həbsində israrlıdır. Bu səbəbdən Wikileaks-in qurucusu Ekvadorun Londondakı səfirliyini tərk edə bilmir.
“Muğanbank” -a HAKER HÜCUMU
CİA smartfonunuza müdaxilə edir - WikiLeaks
İnterpress.az-a haker hücumu davam edir
Türk hakerlərdən İrana hücum: Sənədlər ələ keçirildi
"Qaynarinfo.Az"ın baş redaktoru hədələndi “Dövlət müdaxilə etməlidir“
İspaniyada həbs edilmiş rus haker kimdir?
“Onda o, həbs olunacaq” - Prezidentlə jurnalist arasında POLEMİKA/ TAM MƏTN
Stokholm terror aktı törətməkdə şübhəli bilinən şəxs saxlanılıb – FOTO
ABŞ haker hücumlarına qarşı beynəlxalq yardım təklif edib
XİN-in daha bir əməkdaşı xaricdən sığınacaq istədi