Xəbərlər
Ətin və yumurtanın bahalaşma səbəbi bəlli oldu
13-07-2017, 15:02
Bu ilin yanvar-iyun aylarında 2016-cı ilin eyni dövrünə nisbətən kənd təsərrüfatı məhsullarının istehsalçı qiymətləri 10,4%, o cümlədən bitkiçilik məhsullarının istehsalçı qiymətləri 8,6%, heyvandarlıq məhsullarının istehsalçı qiymətləri isə 12,5% bahalaşıb.
Oxu.Az Dövlət Statistika Komitəsinə istinadən xəbər verir ki, bu ilin iyun ayında may ayına nisbətən kənd təsərrüfatı məhsullarının istehsalçı qiymətləri 0,1%, bitkiçilik məhsullarının istehsalçı qiymətləri 0,5% ucuzlaşıb, heyvandarlıq məhsullarının istehsalçı qiymətləri isə 0,3% bahalaşıb.
Ay ərzində bitkiçilik məhsullarından lobyanın, bibərin, tərxunun, xiyarın, pomidorun, qarğıdalının, baş soğanın, kartofun, albalının, alçanın, gilasın istehsalçı qiymətlərində ucuzlaşma, baş kələmin, şüyüdün, süfrə çuğundurunun, baş sarımsağın, yonca və fındığın qiymətlərində isə bahalaşma müşahidə olunub. Digər bitkiçilik məhsullarının istehsalçı qiymətlərində ciddi dəyişikliklər baş verməyib.
İyun ayında heyvandarlıq məhsullarından yumurtanın istehsalçı qiyməti bahalaşıb, südün və quş ətinin istehsalçı qiymətləri isə ucuzlaşıb. Digər heyvandarlıq məhsullarının istehsalçı qiymətlərində ciddi dəyişikliklər baş verməyib.
Süd, ət, yumurta bahalaşıb
Azərbaycanda hansı məhsullar bahalaşıb? – Statistika
İllik inflyasiya 10,5%-ə çatıb, iyunda 0,5%-lik deflyasiya olub
Ərzaq məhsullarının qiyməti bahalaşdı
Sənaye məhsulları bahalaşdı ? Rəsmi Açıqlama
Ərzaq məhsulları bahalaşıb – Rəsmi
Mal əti yenə bahalaşdı
“Azərsun” qiymətləri qaldırdı
Bəzi aqrar məhsullar kəskin bahalaşıb - CƏDVƏL
Azərbaycanda inflyasiyanın səviyyəsi 1%-dən aşağıdır