Xəbərlər / Maraqlı
11 il boyunca 1000 məşhurla şəkil çəkdirib
28-06-2017, 01:17
Qeyri-adi kolleksionerin macəraları Türkiyəni heyrətə salır
Türkiyənin Mersin şəhərində özəl təhlükəsizlik əməkdaşı olan Evren Yılmaz qeyri-adi kolleksiyasını yaratmaq üçün işindən artıq qalan bütün vaxtını şəkil çəkdirmək istədiyi məşhurlara çatmaq üçün keçirib.
Musavat.com Türkiyə mətbuatına istinadən xəbər verir ki, 35 yaşlı E.Yılmaz son 11 ildə sənət və idman cameyəsindən min nəfər məşhurla tanış olaraq şəkil çəkdirib.
Uşaqlığından bəri Yeşilcam ulduzlarına heyranlıq duyan E.Yılmaz 2006-cı ildə "Beynelmilel" filminin aktyorlarından olan Oqtay Qaynarcanın cangüdənliyini edərkən, filmdə qısa bir rol oynamağa nail olub. Filmdəki məşhurlarla çəkdirdiyi fotolardan sonra bunu özünə xobbi seçən Yılmaz Yeşilcam ulduzları ilə əlaqə qurmağa qərar verib. Mersin şəhərinə gələn aktyorları təqib edən, vaxt tapdıqca digər şəhərlərə də məşhurları görməyə gedən Yılmaz bəzilərini də evlərində ziyarət edib. Yılmaz, Cüneyt Arkın, Türkan Şoray, Filiz Akın, Ediz Hun, Ayşen Gruda, Oya Aydoğan, Sümer Tilmaç ve Serdar Gökhanın da aralarında yer aldığı sənətçilərlə paralel, idman dünyasından bir çox məşhurla da şəkil çəkdirib.
Yeşilçam sevgisiylə böyüdüyünü deyən Yılmaz aşağıdakıları da vurğulayıb: “Qarda-qışda işdən çıxıram, təyyarə ilə İstanbula gedirəm, məşhurlara kitablarını imzalatmaq, onları görmək və heyranlığımı bildirmək üçün o qədər məsafə qət edirəm. Bəzən də Adana və Tarsusa gedirəm. Büdcəm nə qədər imkan verirsə, ora qədər gedirəm. Önəmli olan hədəf qoymaqdır”.
Artıq məşhurların onu tanımağa başladığını deyən Yılmaz "İçimdəki sevgini, sayğını göstərincə “bu adamın məqsədi var” deyib, qəbul edirlər. Ən son Cüneyt Arkına çatmaq üçün telefonunu tapıb, evinə zəng vurdum.
Köməkçiləri “Oğlunun yanında Londonda yaşayır” dedilər. Amma yanına getməyi qərarlaşdırdım. Təyyarə biletini təşkil etdim, həyat yoldaşıma dedim ki, “Məni Yeşilçama aşiq edən əfsanəni görüb gələcəm, kitabını imzalatdıracam. Mersində hava şərtləri çox yaxşı idi. Amma İstanbulda qar altında evinə getdim. Köməkçiləri evdə olmadığını dedilər. Mən də kitabını qoydum ki, gələndə imzalasın. Bu arada da nömrəmi verdim. Taksi ilə qayıdanda köməkçisi zəng etdi, gəlməyimi söylədi. Təkrarən evinə getdim, görüncə gözlərim doldu. Əllərini öpdüm. Böyük bir heyranı olduğumu dedim”.
Yılmaz eyni zamanda deyib ki, ən böyük arzusu Şener Şen və Kadir İnanırı görməkdir və nə zamansa bu arzusuna çatacaq.
Səudiyyəli din xadmi heyvanlarla şəkil çəkdirmək barədə fətva verdi
Türkiyəli məşhur müğənnisi keçmiş sevgilisinə sürpriz
"İşğala, Terrora və Əsassız İddialara qarşı Beynəlxalq Forum"un nümayəndələri Ankarada görüşlərə başladı
Belə şəkil çəkdirmək barmaq izinizi ələ verir – DİQQƏT
“Mersin İdman Yurdu”na keçə bilməyən futbolçu “Xəzər Lənkəran”a gedir
Arda Turan millidən uzaqlaşdırıldı
Nazir oğluna belə toy etdi – VİDEO
Kilsədə və sinaqoqda namaz qılmaq olarmı?
"İmperator”un çöküşü və ya Fatih Terimi-Arda Turan qalmaqalı
Ön cəbhədə baş verən olaylarla bağlı ən təsirli və maraqlı şəkil və videolar yayıldı.