Xəbərlər
Yer kürəsinə təhlükəli asteroid yaxınlaşır
17-04-2017, 23:57
Aprelin 19-da Yer kürəsinə yaxın məsafədə potensial təhlükəli “2014 JO25” asteroidi keçəcək. Böyük ölçülərə malik səma cismi planetimizə son 400 il ərzində ən yaxın məsafədə yaxınlaşacaq asteroid olacaq.
Oxu.Az-ın xəbərinə görə, bu barədə məlumatı “Slooh” onlayn-rəsədxanası yayıb.
Səma cismi 2014-cü ildə ABŞ-ın Maunt-Lemmon rəsədxanasında avtomatlaşdırılmış teleskop vasitəsi ilə aşkarlanıb.
Müxtəlif versiyalara əsasən, asteroidin diametri 640 metrdən 1,5 kilometrə qədər çata bilər. Asteroid Yer kürəsindən 1,77 milyon kilometr məsafədə (Yerlə Ay arasında olan məsafədən 4,6 dəfə çox) keçəcək.
Qeyd olunur ki, planetimizə yaxınlaşan zaman “2014 JO25” asteroidini hətta həvəskar teleskopları vasitəsi ilə görmək mümkün olacaq.
“2014 JO25” asteroidi Yer kürəsində həyat üçün təhlükəli sayılan obyektlərin siyahısına daxildir. Bu səma cisimləri Yer kürəsindən 0,05 astronomik vahid məsafəsində (Yerlə Ay arasında olan məsafədən 19,5 dəfə çox) keçməlidirlər, onların diametri isə 100-150 metrdən çox olmamalıdır.
İlin ilk Ay tutulması olacaq
Həvəskar Jurnalistlər Klubunun ilk təlimi keçirildi
İsrail Azərbaycanı potensial təhlükəli ölkələr siyahısına daxil etdi
CES 2014 sərgisinin final görüntüləri
Fazil Məmmədov iş adamlarını həbs etdirdi - siyahı
“Kinder” şokoladlarında təhlükəli maddə tapılıb
Estoniya Azərbaycan peykinin resurslarından istifadə edəcək
Xüsusi təhlükəli zərərli orqanizmlərə qarşı mübarizə tədbirləri davam etdirilir.
Dünyanın ən təhlükəli tıxacı - FOTOLAR
Yerdən ən uzaq qalaktika kəşf edilib