Şikayət / Ölkə
Bakıda qida “terrorçuları” peyda olub
31-03-2017, 11:15
Xeberman.com Ölkə.Az-a istinadla xəbər verir ki, bu barədə sosial şəbəkədə jurnalist Şahin Sərdarlı yazıb.
Mütəxəssislər belə məhsulların insan üçün ölüm mənbəyi olduğunu hesab edirlər. Azad İstehlakçılar Birliyinin (AİB) sədri Eyyub Hüseynov bildirib ki, belə məhsullardan istifadə edən insanlar sağalmaz xəstəliklərə düçar ola bilərlər.
“Kolbasaların qiyməti onun keyfiyyətindən xəbər verir. İlk baxışdan həmin məhsullarda normal ətin olmadığı aydın görünür. Yer üzündə soya ət var. Əti əvəz edən çoxlu komponentlər var. Belə məhsullar arzuolunmaz ətlərdən, yaxud ət əvəzedicilərindən hazırlanır və insan həyatı üçün çox zərərlidir. İnsanın genefondunu dağıdır, onları iflic edir”, - deyə Eyyub Hüseynov bildirib.
Rəsmilər də belə məhsulların satılmasının qadağan olduğunu deyirlər. Bakı şəhər İcra Hakimiyyətinin Ticarət və Xidmət Departamentinin mətbuat xidmətinin rəhbəri Əliabbas Bağırov bildirib ki, həmin məhsulların küçədə açıq şəraitdə satışı qəti qadağandır.
“Siz deyilən əraziləri sabah müəyyən edəcəyik. Həmin ərazilərdə mütləq yoxlamalar aparılacaq. Belə hal aşkarlanarsa, həmin şəxslər qanunla mütləq cəzalandırılacaq. Bizim tərəfdən mütəmadi reydlər davam etdirilir. Belə reydlər intensiv hal alıb. Kənd təsərrüfatı məhsullarının şəhərə axını çoxalıb. Kartof, soğan, digər bostan məhsullar satışını həyata keçirənlər olur. Bəzən xiyar və pomidor satanlara rast gəlinir”, - deyə qurum rəsmisi bildirib.
Ə.Bağırov deyir ki, vətəndaşlar da belə məhsulları almaqdan çəkinməlidirlər:
“Ərzaq məhsulları, xüsusən ət məhsulları, süd, qatıq, kolbasaları satmaq qəti olmaz. Çünki bunlar tez xarab olan məhsullardır. Belə məhsullar mütləq ciddi yoxlanışdan keçəndən sonra satışa buraxılmalıdır. Belə məhsulları alanlar həyatlarını təhlükə qarşısında qoyurlar. İnsanlara belə məhsulları almasınlar. Bu xəstəlik mənbəyidir”.
Baş nazirin müavini bayramı öncəsi məhsulların qiymətlərinin qalxmasınan DANIŞDI
Bayram yarmarkaları FHN-dən icazə alınmayacaq
«Rüşvət verib, ərzaqların istifadə tarixini uzadırlar» - Marketlərdə satılan «zəhər»
Bakıda “leş şəbəkəsi”ni kim himayə edir?- FOTOLAR
Şaxta babadan meriyaya müraciət
Alıcıların sağlamlığına qəsd edən sahibkarların məhsullar üzərindəki “tarix oyunu”... - FOTOLAR
Marketlərdə bizi necə aldadırlar?
SOS! Süni yumurta hazırlanır - Azərbaycana da gətirilə bilər (Video)
Qarpızdan niyə zəhərlənirlər? – Nazirliklərə İTTİHAM
1 manata palto satılır - VİDEO