İslam
İmam Kazımın (ə) hərəminin üzərinə qara bayraq sancılacaq
1-05-2016, 23:49
İmam Kazımın (ə) hərəminin üzərinə qara bayraq sancılacaq
25 rəcəb 7-ci İmam Həzrət Museyi-Kazım (ə) şəhadət günüdür. İmamın şəhadət günü münasibəti ilə bu gün Kazimeyndə İmam Kazım (ə) və İmam Cavad (ə) hərəmlərinin üzərində qara bayraqlar sancılacaq.
Maide.Az xəbər verir ki, bayraqların dəyişdirilməsi məqsədi ilə bu gün rəsmi mərasim keçiriləcək. Mərasimdə qara bayraq əzadarlıq rəmzi olaraq hər iki İmamın qəbrinin günbəzi üzərinə sancılacaq.
İmam Museyi –Kazım (ə) şəhadəti münasibəti ilə Kazimeyndə zəvvarlara xidmət çadırları və əzadarlıq çadırları da quraşdırılıb.
Yüzlərlə zəvvar İmam Kazım (ə) hərəmini ziyarət etmək məqsədi ilə bu gündən İraqın müxəlif şəhərlərindən Kazimeyn şəhəri istiqamətində hərəkət ediblər. Bağdad şəhər polisi zəvvarların təhlükəsizliyini təmin etmək məqsədi ilə zəruri tədbirlər görüb.