İqtisadiyyat
Ölkədə daha 8 bank bağlanacaq
6-09-2016, 23:50
Maliyyə Bazarlarına Nəzarət Palatasının (MBNP) Direktorlar Şurasının 21 iyul 2016-cı il tarixli qərarına əsasən, 4 bankın - "Dekabank” ASC, "Kredobank” ASC, "Parabank” ASC və "Zaminbank” ASC-nin bank lisenziyalarının ləğv edilməsilə Azərbaycanda bankların sayı 37-dən 33-ə düşüb Qeyd edək ki, manatın kəskin devalvasiyasına qədər ölkədə 45 bank fəaliyyət göstərib. Bağlanan bankların işçiləri işsiz qalır, fəaliyyətdə olan banklar isə işçilərini ixtisar edir. Məlumata görə, bunların nəticəsində işsiz qalan bank işçilərinin sayı 2 minə yaxınlaşıb.
Politika.Az xəbər verir ki, iqtisadçı Samir Əliyev bu sahədəki vəziyyətdən danışarkən Modern.az-a deyib ki, bu il ərzində 12 bank bağlanıb. Bu yaxınlarda isə 4 bankın bağlanması barədə qərar verildi.
"Təkcə bağlanan 4 bankın 2 minə qədər işçisi var idi. Hər bir halda bank sektorunda işsizlərin sayı artır. Söhbət yalnız bankların bağlanmasından getmir. Burada optimallaşdırma aparan bankların öz işçilərini ixtisara salmasını da nəzərə almaq lazımdır. Bu da təbiidir. Çünki banklar azalmış gəlirlərini optimallaşdırmaq üçün xərclərini imkan daxilində azaldır”.
İqtisadçı bildirib ki, bunun ən yaxşı yolu filialların bağlanması ilə işçilərin azaldılmasıdır: "Hər bir halda bu, arzuolunan deyil. Bank sektorundan çıxarılan insanlar kifayət qədər savadlı kadrlar, mütəxəssislərdir. Həm də nəzərə almaq lazımdır ki, anoloji ixtisarlar təkcə bank sektorunda deyil, əksər qurumlarda baş verir”.
S.Əliyev hesab edir ki, proses davam edəcək: "Mən düşünmürəm ki, bankların bağlanması bununla da bitdi. Proses getdikcə ona gətirib çıxaracaq ki, kiçik və problemli bankların məcburi şəkildə bağlanması gündəmə gələcək. Əvvəl 45 bank var idi. Hazırda mövcud olan 33 bank da bizim üçün çoxdur.
Bankların sayı əhalinin gəlirləri ilə düz mütənasib olmalıdır. Azərbaycan iqtisadiyyatının mövcud durumunda 33 bank çoxdur. Onsuz da mövcud bankların heç də hamısı sağlamlaşdırılmayıb və problemdən çıxmayıb. Düşünürəm ki, bankların sayı ən azı 25-ə qədər düşəcək. Yaxın dövrlərdə məhz bunu müşahidə edəcəyik”.
Millət vəkilindən mühüm dəyişiklik – Anonsu
Azərbaycanda 4 bank bağlandı
Azərbaycanda daha bir neçə bank bağlanacaq
Azərbaycanın bank sektoru çökür - 7-ci bank da ləğv edilir
Nazir müavini bağlanan bankların vergi borclarından danışdı
Bağlanan bankların müştərilərinin DİQQƏTİNƏ!
Daha hansı banklar bağlana bilər? – SİYAHI
Bu banklara faiz ödənməməlidir - Millət vəkilindən xəbərdarlıq
Azərbaycanda 11 bank ləğv olunur- SİYAHI
"Üçüncü devalvasiya baş verdi"