Dünya
Gürcüstan prezidenti Georgi Kvirikaşvilinin baş nazir olmasına razılıq verib
25-12-2015, 20:44
Gürcüstan Prezidenti Georgi Marqvelaşvili hazırda Baş nazirin müavini və xarici işlər naziri vəzifələrini icra edən Georgi Kvirikaşvilinin Baş nazir vəzifəsinə namizədliyini dəstəkləyib.
AZƏRTAC bildirir ki, ölkə parlamentində hakim "Gürcü arzusu" partiyasının təşkil etdiyi koalisiya dekabrın 25-də Georgi Kvirikaşvilinin Baş nazir vəzifəsinə namizədliyini irəli sürüb.
Prezident Georgi Marqvelaşvili deyib: "Mən Georgi Kvirikaşvilinin namizədliyini dəstəkləyirəm və onun Baş nazir postuna təyin olunması ilə bağlı qərarı təsdiqlənmək üçün yenidən parlamentə təqdim etdim. İndi söz parlamentindir".
G.Kvirikaşvili 1967-ci il iyulun 20-də Gürcüstanda anadan olub. Gürcüstan Prezidenti administrasiyasında işləyib, 1999-2004-cü illərdə parlamentin deputatı olub. M.Saakaşvili hakimiyyətə gəldikdən sonra Gürcüstan banklarında aparıcı postları tutan G.Kvirikaşvili 2006-2011-ci illərdə milyarder Bidzina İvanaşvilinin təsis etdiyi "Kartu bank"ın baş direktoru olub. 2012-ci ilin oktyabrında Gürcüstanın iqtisadiyyat və davamlı inkişaf naziri, 2013-cü ilin iyulunda Baş nazirin müavini, 2015-ci il sentyabrın 1-də isə xarici işlər naziri təyin olunmuşdu.
Gürcüstanın XİN rəhbəri Bakıya gəlir
Dollarla kredit götürənlər milli valyutada qaytaracaqlar
Baş nazir: ""Qazprom" mövzusu bitib"
“İndi hər şey Azərbaycandan asılıdır” – Georgi Qaxariya
Çətin vəziyyətə düşən Tiflis Bakıya müraciət etdi
Ukrayna parlamentinin Azərbaycan əsilli deputatı AŞPA-nın vitse-prezidenti seçilib
Fərhad Mehdiyev: “İsrail Cənubi Qafqazda İran amilinə görə güclənir”
Saakaşvili azərbaycanlı məmura: "Mənim vaxtımda sənin kimilər həbsdə otururdu"
Gürcüstan prezidenti sabah Azərbaycana gələcək
BP "Bakı-Supsa" kəmərinə 150 milyon dollar yatıracaq