Kriminal
Cinayətkar qrup 17 avtobus və 5 məktəb yandırdı
2-10-2016, 02:14
Braziliyada cinayətkar qrupun üzvləri ölkədə keçiriləcək bələdiyyə seçkiləri ərəfəsində Maranyan ştatında 17 avtobusu və səsvermə məntəqələrinin fəaliyyət göstərdiyi 5 məktəbi yandırıblar.
Axar.az xəbər verir ki, yerli həbsxanalardan birinin məhbusları tərəfindən planlaşdırıldığı zənn edilən hücumlarda şübhəli bilinən 30 nəfər saxlanılıb. Saxlanılan şəxslərdən 16-sı yetkinlik yaşına çatmayıb.
Cinayətkar qrupun qarışıqlıq yaratmaqla seçkilərin keçirilməsinə əngəl olmaq istədikləri güman edilir.