Kubalı kubalı ilə döyüşür və qalib Azərbaycan olur

İki kubalının görüşü bir çox media orqanlarında işıqlandırılıb. "Reuters" qarşılaşma ilə bağlı xəbəri maraqlı başlıqla təqdim edim. Sayt "Kubalı kubalı ilə döyüşür və qalib Azərbaycan olur" başlığı ilə xəbəri yayımlayıb. 

Sayt yazır ki, bu il keçirilən oyunlar, 31 yaşlı Sotomayorun karierasında son olimpiya oyunlarıdır.

Reuters-in yazdığına görə Rioda Lorenzo Sotomayorla bağlı hətta lətifələr də danışılır. Məsələn - "O hansı ölkədir ki, iki kubalı döyüşür, amma Kuba yox, o ölkə qalib gəlir?"

Daha sonra idmançını lağa qoyaraq əlavə ediblər: "O, artıq Azərbaycan dilində 5 söz də öyrənib"

Azərbaycanlı idmansevərlər ölkəmizi təmsil edən legioner sayının həddindən artıq çox olduğunu düşünürlər. Rio 2016-da çıxış edən idmançılarımızdan 35-i legioner, 21-i isə yerli idmançılardır.

Qeyd edək ki, Lorenzo Sotomayor yarımfinalda Almaniyanı təmsil edən erməni boksçu Artyom Harutunyanla döyüşəcək. Bu görüş avqustun 19-da baş tutacaq.