Gündəm
POLİS RƏİSİNDƏN AĞLASIĞMAZ ÖZBAŞINALIQ
29-03-2016, 20:03
"Polis Azərbaycan dövlətinin, xalqının keşiyində duran mübariz bir orqandır". - Heydər ƏliyevSon zamanlar Yaxın Şərq və Avropa ölkələrini bürüyən terror dalğası fonunda Azərbaycanda olan əmin-amanlıq dünyanın məşhur araşdırma mərkəzlərinin diqqətini cəlb edib. Olduqca həssas bir coğrafiyada yerləşən ölkəmizdəki yaradılan stabilliyin əsasında 1993-cü ildə hakimiyyətə gəlmiş ümummilli lider Heydər Əliyevin zamanında zərgər dəqiqliyi ilə gördüyü işlərin dayandığı heç kimə sirr deyil. Ulu öndərin əsasını qoyduğu dövlətçilik prinsipləri Prezident İlham Əliyev tərəfindən uğurla davam etdirilir. Və bunu hər bir Azərbaycan vətəndaşı gündəlik həyatında hiss edir.
Lakin bəzi üzdəniraq vəzifə sahiblərinin yol verdikləri sui-istifadə halları Heydər Əliyevin qoyduğu dövlətçilik prinsiplərini kökündən baltalayır. Zaman-zaman belə vəzifə sahibləri cəzalandırılsa da, görünür bu bir çoxlarına dərs çıxarmağa kifayət deyil…
İşıqlandırılmış "Ramil Usubovun diqqətinə: Rəis tabeçiliyində olan polisin 45 min manatını belə mənimsədi” başlıqlı məqalə geniş oxucu kütləsinin marağına səbəb omuşdu. Vətəndaş Aliq Məmmədovun daxili işlər naziri Ramil Usubova ünvanladığı müraciət əsasında hazırlanan məqalədə Bakı şəhəri, Nizami rayon Polis İdarəsinin rəisi Nofəl Məhərrəmovun qanunsuz əməllərindən, oğlanları Royal və Xəyal Məmmədovların qərəzli şəkildə işdən çıxarılmasından bəhs etmişdi.
Aliq Məmmədov müraciətində göstərmişdi ki, oğlu Royal Məmmədov 2014-cu ilin dekabr ayının ayının 15-ndən 16-na keçən gecə azyaşlı qızı cinsi istismara məruz qoymuş cinayətkar dəstəni yaxalayıb polis orqanlarına təhvil verdikdən sonra rəis Nofəl Məhərrəmov 17 dekabr tarixində Royal Məmmədovdan ərizəsini alaraq 14 dekabr tarixinə işdən çıxarmışdır. Səbəb isə güya Royal Məmmədov sözügedən cinayətkar dəstəni yaxaladığı zaman polis olmadığını göstərməsidir.
Royal Məmmədovun ittiham olunduğu 182.3.2 maddəsi ilə gördüyü iş arasında heç bir uyğunluq ortaya çıxmadığı halda polis nəfərinə qarşı olan qərəzli yanaşma haradan qaynaqlanır (Əslində 5 ay müddətində heç bir istintaq işi aparılmayıb – red)? Nə üçün 182.3.2 maddəsi ilə başlanılmış cinayət işi Royal Məmmədovun 5 ay 22 gün təcridxanada saxlanılmasından sonra 322.2 (özbaşınalıq) maddəsinə çevrilərək 1 il 2 ay sonra məhkəməyə göndərilir? Vaxti ilə Nofəl Məhərrəmovla Royal Məmmədovun atasının mehriban münasibətləri olsa da Royal Məmmədov 5 ay 22 gün sonra azadlığa buraxılır… Polis rəisinin işçisinə qarşı düşmən kəsilməsinə görəsən səbəb nə olub?
Bir polis rəisi kimi Nofəl Məhərrəmovun burada ikibaşlı oyun oynaması açıq-aydın görsənməkdədir. Aprel ayının 5-də keçiriləcək məhkəmə iclasında da Nofəl Məhərrəmovun ikibaşlı oyunlarının üstünün açılması ehtimalı var. Hansı ki, Nizami rayon məhkəməsinin hakimi Elnur Nuriyevin sədrliyi ilə keçirilən məhkəmə prosesi məhz Nofəl Məhərrəmovun qərəzli, şəxsi məqsədləri üzərində qurulmuş bir oyun olduğunu göstərməkdədir. Buna məhkəmə prosesində şahidlərin dindirilməsi və vəkilin vəsatətlərinin təmin olunmaması sübut deyilmi? Hələ ibtidai istintaq zamanı baş verən qanun pozuntuları və digər şübhəli məqamlar da araşdırılarsa bu işdə Royal Məmmədovun nə dərəcədə haqlı və günahsız olduğu mütləq ortaya çıxacaqdır.
Yuxarıda qeyd etdiyimiz kimi vətəndaş Aliq Məmmədovun müraciətini dərc etdikdən sonra Nizami rayon Polis İdarəsinin rəisi Nofəl Məhərrəmovla bağlı daha bir şikayət daxil oldu. Belə ki, Prezident İlham Əliyevə, daxili işlər naziri Ramil Usubova müraciət hazırladığını bildirən vətəndaş Elman Əlizadə əməkdaşımıza açıqlamasında analoji hadisə ilə üzləşdiyini deyib. Vətəndaşın sözlərinə görə, Nizami rayon yol polisində çalışan oğlu Bilal Əlizadə də zaman-zaman rayon polis idarəsinin rəisi Nofəl Məhərrəmovun özbaşına əməlləri ilə üzləşib. Belə ki, Nofəl Məhərrəmov tabeçiliyində olan polis nəfərini müxtəlif bəhanələrlə işdən çıxardacağı ilə hədələyərək Bilal Əlizadənin atasından külli miqdarda pul alıb. Təbii ki, Elman Əlizadənin polis rəisi Nofəl Məhərrəmov arasındakı sövdələşmələrdən bizim bir mətbuat işçisi kimi xəbərimiz olmayıb. Amma vətənaşın əlində olan maddi sübutlar deməyə əsas verir ki, Nofəl Məhərrəmov qızıl aludəçisidir. Elman Əlizadə oğlunun ləkələnməməsi üçün ayrı-ayrı vaxtlarda Nofəl Məhərrəmova verdiyi qızıl sikkələr, üzərində rəisin ailəsinin də şəkli olduğu qızıl boyunbağılar məşhur filmdə deyildiyi kimi danışmağa başlasa görəsən Nizami Polis İdarəsinin rəisi özünə necə haqq qazandıracaq? Hələ Nofəl Məhərrəmovun məşhur bir general üçün brilliant qaşlarla bəzədilmiş paqonları "dil açsa” nələr olacağını əvvəlcədən söyləmək çətindir.
Amma vətəndaş Aliq Məmmədovun da, vətəndaş Elman Əlizadənin də polis rəisi tərəfindən haqsızlığa məruz qaldıqları açıq aydın görsənməkdədir. Bəs görəsən daxili işlər naziri Ramil Usubov cənabları Nizami rayon Polis İdarəsinə rəis təyin etdiyi Nofəl Məhərrəmovun bu kimi işlərindən xəbəri varmı? İnanırıq ki, cənab nazir vətəndaş Aliq Məmmədovu və oğlunun vəkili ilə birlikdə qəbul etdiyi vaxt Nofəl Məhərrəmovun bütün qanunsuz əməlləri üzə çıxacaq.
Ötən ilin oktyabr ayında Milli Təhlükəsizlik Nazirliyi ətrafında yaranmış olaylar, bu olaylardan sonra Prezident İlham Əliyevin dövlət orqanlarında baş verən özbaşınalıqlarla bağlı tutduğu iradlar kimlərə aid idi? Əminik ki, daxli işlər naziri, cənab Ramil Usubov vətəndaşların haqlı narazılıqlarını dinləyib, lazımi ölçülər götürəcək, polis mundirinə ləkə yaxan, polis şərəfinə, polis adına ləyaqətlə qulluq etməyən polis məmurlarının özbaşına, qanunsuz əməllərə yol verməsinin qarşısını alacaqdır. \AzToday.az\
Nərimanov rayonunda yerləşən “Tərəqqi” liseyində Ümummilli Lider Heydər Əliyevin xatirəsinə həsr edilmiş anım mərasimi keçirilib
Həştərxanda Ümummilli Lider Heydər Əliyevin anadan olmasının 93 illiyi ilə bağlı tədbir keçirilib
Ümummilli lider Heydər Əliyevin əziz xatirəsi Rusiya Federasiyasının Həştərxan şəhərində anılıb
Azərbaycan xalqının Ümummilli Lideri Heydər Əliyevin vəfatının on üçüncü ildönümü ilə əlaqədar anım tədbiri keçirilib.
Fatma Əliyeva: “Lider dövlət olan Azərbaycanın varlığı məhz 1993-cü ilin 15 iyunundan başlayır”
Həştərxanda Ulu Öndər Heydər Əliyevin xatirəsi anılıb.
Ümummilli lider Heydər Əliyevin ömür yolu gənclər üçün əsl nümunədir
Ümummilli Lider Heydər Əliyevin anım günü ilə əlaqədar tədbir keçirilib.
Polis rəisi baş redaktoru təhqir edib həbslə hədələdi! -
Nərimanov rayon rəhbərliyi və rayon gəncləri Heydər Əliyev Mərkəzini ziyarət etmişlər.