Əsas Səhifə / Ölkə
TQDK saxtakarlıqları üzə çıxardı - Foto
27-01-2016, 20:02
Tələbə Qəbulu üzrə Dövlət Komissiyası (TQDK) saxta nəşrlərlə bağlı məlumat yayıb.
TQDK-dan Axar.az-a verilən məlumatda bildirilib ki, son vaxtlar müəyyən qüvvələr Tələbə Qəbulu üzrə Dövlət Komissiyasının müxtəlif nəşrlərinin, o cümlədən test kitabları, dərs vəsaitləri və test toplularını qeyri-qanuni yolla çap etdirərək Bakı şəhərində, ölkənin digər şəhər və rayonlarında satışını təşkil etməkdə fəallaşıblar.
Məlumata görə, saxta nəşrlərdə ciddi elmi-metodiki səhvlərə yol verilir, materialların məzmunu təhrif edilir və ya bunlar köhnəlmiş olur, yeni qəbul və tədris proqramlarına uyğun gəlmir:
"Çox vaxt saxta nəşrlərdə köhnəlmiş, aktuallığını itirmiş və ya istifadədən çıxarılmış materiallar yenidən çap edilərək satışa çıxarılır".