Bazar qalmaqalı böyüdü təkzibə təkzib gəldi bəli olub-VİDEO

"20 Yanvar Əlilləri” Neftçala rayon Cəmiyyətinin üzvü adından mətbuatda yayılan məlumatlar həqiqəti əks etdirmir və "20 Yanvar Əlilləri” Neftçala rayon Cəmiyyəti yayılan məlumatları bütün məsuliyyəti ilə təkzib edir. Bu barədə Neftçala rayonundan Qaynar.info-ya ünvanlanan təkzib məktubunda bildirilir.

 

Qeyd edək ki, mətbuatda uzun illərdir Neftçalada fəaliyyət göstərən balıq bazarında çalışanlara qarşı icra başçısı tərəfindən təzyiqlər olunması ilə bağlı məlumat yayılıb. Məsələ ilə bağlı "20 Yanvar Əlilləri” Neftçala rayon Cəmiyyətinin Qaynar.info-ya ünvanladığı təkzib məktubunda bildirilir ki, həmin balıq bazarı "20 Yanvar Əlilləri” Neftçala rayon Cəmiyyətinin üzvlərindən birinə məxsusdur və bu balıq bazarı uzun illərdir ki, maneəsiz fəaliyyət göstərir.

 

Cəmiyyət üzvləri bildirir ki, 19 yanvar 2016-cı ildə Neftçala rayon İcra Hakimiyyətinin başçısı "20 Yanvar Əlilləri” Neftçala rayon Cəmiyyətinin üzvlərini və şəhid ailəlrinin nümayəndələrini qəbul edib. Görüş xoş atmosferdə keçirilib və görüş zamanı hər hansı bir narazılığa səbəb olan söhbət olmayıb. Həmin görüşdə ümumiyyətlə balıq bazarı müzakirə olunmayıb. Görüşdə müzakirə obyekti "20 Yanvar Əlilləri” Neftçala rayon Cəmiyyətinin üzvlərinin sosial problemləri olub və icra başçısı İsmayıl Vəliyev onlara söz verib ki, "20 Yanvar Əlilləri” Neftçala rayon Cəmiyyətinin üzvlərinin sosial problemlərinin həlli üçün əlindən gələni edəcək, eyni zamanda Əmək və Əhalinin Sosial Müdafiəsi naziri Səlim Müslümovdan şəxsən "20 Yanvar Əlilləri” Neftçala rayon Cəmiyyətinin üzvlərinin problemlərinin həllini xahiş edəcək. Öz növbələrində "20 Yanvar Əlilləri” Neftçala rayon Cəmiyyətinin üzvləri ölkə prezidentinə və rayon rəhbərliyinə onlara göstərilən qayğıya görə təşəkkürlərini bildiriblər.

 

Görüşün sonunda İcra Hakimiyyəti tərəfindən "20 Yanvar Əlilləri” Neftçala rayon Cəmiyyəti üzvlərinə yardım göstərilib və "20 Yanvar Əlilləri” Neftçala rayon Cəmiyyətinin üzvləri görüşdən xoş təəssüratla ayrılıblar.