Texnologiya
“Apple” və “Facebook” Meksika zəlzələsindən zərər çəkənlərə bir milyon dollar ayırdı
23-09-2017, 09:51
Sentyabrın 19-da Meksikada 7,1 bal gücündə zəlzələ baş verib ki, nəticədə 40-a yaxın bina uçub və 230 nəfərdən çox insan ölüb.
Xeberman.com Lent.az-a istinadən verdiyi məlumata görə, “Apple” şirkəti Meksika hökumətinin hesabına 1 milyon dollar keçirdiyini bildirib. Bu pullar dağıntıların aradan qaldırılmasına və zəlzələdən zərərçəkənlərə xərclənəcək.
Bundan əvvəl isə “Apple” şirkəti “Harvi” və “İrma” qasırğasından zərər çəkənlərə 8 milyon dollardan çox vəsait ayırıb.
Analoji olaraq Meksika sakinlərinə “Facebook” şirkəti də 1 milyon dollar həcmində maliyyə yardımı göstərib.