İqtisadiyyat
Şərab məhsullarının müayinəsi aparılacaq
17-07-2017, 09:50
İqtisadiyyat Nazirliyinin "İstehlak Mallarının Ekspertizası Mərkəzi" MMC-nin Mərkəzi qida və qeyri-ərzaq mallarının sınaq laboratoriyasının beynəlxalq akkreditasiya sahəsi genişləndirilib. Belə ki, iyunun 20-dən etibarən araq və şərab məhsulları üzrə daha 16 metod beynəlxalq akkreditasiya sahəsinə daxil edilərək, laboratoriyanın akkreditasiya sahəsi 30 metoda çatdırılıb. Hazırda Mərkəzi qida və qeyri-ərzaq mallarının sınaq laboratoriyasında alkoqollu içkilərin (şərab, araq, pivə və s.) 50-dən çox keyfiyyət və təhlükəsizlik göstəricisi üzrə müayinəsi aparılır. SİA – nın məlumatına görə, bu barədə iyulun 14-də Bakı Biznes Mərkəzində İqtisadiyyat Nazirliyinin təşkilatçılığı və şərab iştehsalçılarının iştirakı ilə "Şərab məhsullarının beynəlxalq tələblərə uyğun müayinəsi" mövzusunda keçirilən təqdimat zamanı bildirilib. Tədbirdə İstehlak Mallarının Ekspertizası Mərkəzinin direktoru Fazil Məmmədov laboratoriyaların fəaliyyəti, akkreditasiya olunduğu sahələr və hazırda Fransa ilə müqayisədə dəfələrlə əlverişli qiymətə şərab məhsullarının müayinələrinin aparılması barədə məlumat verib və sahibkarları sıx əməkdaşlığa dəvət edib.
Sonra beynəlxalq arbitr, Latviyanın "LATAK" Milli Akkreditasiya Bürosunun direktoru Olqa Veylande laboratoriyanın şərab məhsullarının beynəlxalq tələblərə uyğun müayinə metodlarının beynəlxalq akkreditasiya sahəsinə daxil edilməsi barədə Attestatı İstehlak Mallarının Ekspertizası Mərkəzinə təqdim edib.
Azərbaycanda İxracın və İnvestisiyaların Təşviqi Fondunun (AZPROMO) rəhbəri Rüfət Məmmədov çıxış edərək, sahibkarlığa göstərilən dövlət dəstəyi, ixracın stimullaşdırılması tədbirlərindən bəhs edib, şərab məhsullarının beynəlxalq tələblərə uyğun müayinəsinin ixracın genişləndirilməsində əhəmiyyətini vurğulayıb.
"İstehlak Mallarının Ekspertizası Mərkəzi" MMC-nin regional bölmələrlə və laboratoriyalarla iş şöbəsinin müdiri Elşad Həsənov "Şərab məhsullarının beynəlxalq tələblərə uyğun müayinəsi" mövzusunda təqdimatla çıxış edib.
Tədbirdə iştirak edən sahibkarlar onlara göstərilən diqqət və qayğıya görə dövlət başçısına minnətdarlıq ifadə ediblər.
Tədbirin sonunda sahibkarların sualları cavablandırılıb.
“Google”dan yenilik : Şirkət indi araq istehsal edir
Gürcüstanlı jurnalist Qurban Qurbanova şərab hədiyyə etdi - FOTO
Texnologiya mallarının qiyməti 5-10 faiz ucuzlaşıb
Ərzaq məhsullarının qiyməti bahalaşdı
Səhiyyə Nazirliyi dərman satan şirkətlərə - Xəbərdarlıq
Marketlərə qarşı cinayət işi açıldı: “Rahat”, “Beş mərtəbə”...
“Veysəloğlu” şirkəti qida məhsullarının qiymətini ucuzlaşdırdı
Azərbaycanda hansı məhsullar bahalaşıb? – Statistika
İllik inflyasiya 10,5%-ə çatıb, iyunda 0,5%-lik deflyasiya olub
Ərzaq məhsulları bahalaşıb – Rəsmi