Xəbərlər
Yeddi yaşlı Aylin Zəhranın məzarı önündə: “Uşaqlar öldürülməsin”
11-07-2017, 13:45
Şəhid Bəhruz Ağaverdiyev adına Qusar şəhər 1 saylı orta məktəbin 1-ci sinif şagirdi Aylin Rüstəmlinin ötən həftə Füzuli rayonunun Alxanlı kəndində ermənilərin öldürdüyü Zəhranın qəbrini ziyarət etmək arzusunu valideynləri dərhal reallaşdırıb.
Nənəsi, babası və dayısı ilə döyüş bölgəsinə yola düşən Aylin Rüstəmli Füzulinin Alxanlı kəndində 2 yaşlı Zəhranın və nənəsinin ermənilərin hücumu zamanı qətlə yetirildiyi yerə baş çəkib, 2 yaşlı qızcığazın dəfn olunduğu məzarı ziyarət edib.
Xeberman.com xəbər verir ki, bu barədə İstiPress-in şimal müxbirinə məktəbin direktoru Arif Xəlilov məlumat verib.
Direktor bildirib ki, 7 yaşlı Aylin bütün sinif yoldaşları adından Zəhranın valideynlərinə başsağlığı verib və qətiyyətlə bildirib ki, bizim ordumuz Zəhranın qanını mütləq alacaq.
7 yaşlı Aylin Rüstəmli Zəhranın qəbri önündə çox kövrəlib, “müharibələrə son qoyulsun, uşaqlar öldürülməsin, yetər, bəsdir, bu qədər də uşaq ölərmi?” - deyə üsyan edib.
Arif Xəlilovun sözlərinə görə, 7 yaşlı Aylin Rüstəmli bütün Azərbaycan uşaqlarının adından bu bəyanatı verib və Zəhranın qəbrinə tər güllər düzüb. “Müharibəyə nifrət” - deyən Aylin Rüstəmli Qusara qayıdandan sonra bildirib ki, Ermənistan prezidenti S.Sarkisyana uşaqlar adından məktub yazacaq.
Arif Xəlilov onu da qeyd etdi ki, Aylin yeni dərs ilində məktəbdə Zəhraya aid xüsusi guşə düzəltmək üçün indi xüsusi şəkillər toplayır.
Direktordan 7 yaşlı məktəbli qızın bu qədər vətənpərvər olmağının haradan qaynaqlandığını da öyrəndik. Öyrəndik ki, Aylinin atası Səbuhi Rüstəmov əslən Şuşadandır. Hazırda Qusar polis şöbəsinin Şahdağ bölməsinin rəisi olan Səbuhi Rüstəmov ailəsi ilə birgə ürəklərində sağalmaz Şuşa dərdi yaşayır. Şuşa alınanadək bu dərdlə yaşamalı olacaq Rüstəmovlar ailəsinin 7 yaşlı Aylininin bu qədər vətənpərvər olması, qorxmadan döyüş bölgəsinə getmək istəməsi təbiidir və belə yerdə deyiblər: “Ot kökü üstə bitər”.
Tanınmış idmançı Zəhranın məzarı önündə - Video
Rəsmi Moskvadan iki yaşlı Zəhranın ölümünə – MÜNASİBƏT
Bakının mərkəzində Zəhraya görə qalmaqal: Ölən mənim vecimə deyil – VİDEO
İkiyaşlı Zəhra necə bombardman altında qaldı -Video
Leyla Əliyeva Zəhradan yazdı - FOTO
2 yaşlı Zəhranın ürəkparçalayan - FOTOSU
İki yaşlı Zəhranın xatirəsinə təyin olunmuş yürüş təxirə salınıb – YENİLƏNİB
Mehriban Əliyeva 2 yaşlı Zəhradan yazdı — FOTO
Zəhranın yas mərasimindən qayıdan qazilər qəzaya düşüblər - FOTO
Ermənilərdən növbəti alçaq hərəkət: sosial şəbəkədə Zəhranın ölümünə sevindilər (Foto)